16 Qazan, 2019 Aımaqtar

Sıfrlandyrý – bilim berýdegi jańa baǵyt

Búginde elimizdiń ekonomıkasynyń barlyq salalaryn sıfrlandyrý kún tártibiniń basty taqyryptarynyń biri. Osy baǵytta bastalyp jatqan belsendi jumystyń alǵashqy baǵyttardyń biri bilim berý dep atalady.

Rasymen de, adamzat qaýymy jyl sanap emes, aı sanap, tipti apta men kún sanap sıfrlandyrý zamanynyń sıqyrly álemine enip barady. Sıfrlandyrý tehnologııalary degenimiz – bul buryn-sondy adamzat bastan keshpegen ǵajaıyp álemniń jańa quraldary. Qazirgi kúni bul tehnologııalar jasaqtalý ústinde. Olar qazirdiń ózinde biz tamsanyp aıta beretin aqparattyq tehnologııalardyń ózin jolda qaldyra bastady.

Sıfrlandyrý tikeleı buryn qol jetimdi bolmaǵan joǵary oqý oryndary men mektepter úshin ashylatyn Sıfrlyq tehnologııanyń oqý quraldarymen baılanysty. Olardyń ishinde onlaın oqý asa erekshelenedi.

Bilim berý úderisin sıfrlandyrý isi Jambyl oblysynyń JÝaly aýdanynda da qarqyndy qolǵa alynýda. Atap aıtar bolsaq, aýdannyń bilim berý júıesin sıfrlandyrý maqsatynda 39 mektep onlaın júıede jumys atqarady. Respýblıkalyq bıýdjetten 7 600,0 myń teńge bólinip, offlaındaǵy 5 mektep, onlaındaǵy 35 mektepke qosylǵan.

– «Kúndelik» júıesi mektepterge 100 paıyz engizildi. Qalypty jumys jasaý úshin ınternet jelisiniń jumys jasaýy, muǵalimderge túsindirý jumystary júrgizilýde. Aqparattyq júıeniń jumys isteýi úshin ár bilim mekemelerinde dırektordyń IT jónindegi orynbasary men jaýapty maman bekitildi. Muǵalimderdi kompıýtermen qamtý 99,4 paıyzdy qurady.

2018 jyly 11720,0 teńge kompıýtermen jabdyqtaýǵa bólinip, 35 kompıýter jáne 20 noýtbýk alynyp, mektepterge taratyldy. Mektepterdiń ınfraqurylymyn ázirleýge 17360,0 teńgege 43 jınaq taqta, úlkeıtkish, kompıýter alýǵa bólinip, taratylyp berildi.

2019 jyly kompıýtermen jabdyqtaýǵa bólingen qarjy 25035,0 myń teńge bólinip, 200 dana alyndy. Robototehnıkaǵa 47295,0 myń teńge, (robottar alýǵa) bólinip, aýdandaǵy 13 mektepke berildi, – deıdi aýdandyq bilim bóliminiń basshysy Májıt Aıjanov.

Sondaı-aq, aýdanda pedagogtar quramynyń sapasyn arttyrýǵa basa nazar aýdarylýda.Bul maqsatta jańartylǵan bilim mazmuny boıynsha sabaq beretin pán muǵalimderine 214 mln 984 myń teńge qaralyp, qyrkúıek aıynan bastap aılyqtaryna 30 paıyz ústemaqy qosylǵan. Al, aldaǵy oqý jylyna kýrstarǵa 4 mln 625 myń teńge bólinse, kýrsqa ketken negizgi qyzmetkerlerdiń ornyn almastyrýǵa 20 mln 480 myń teńge, is-sapar shyǵyndaryna 18 mln 144 myń teńge qarjy qaralyp, ıgerilgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir