• USD 468.56

  • EUR 497.56

  • RUB 7.3

  • CNY 67.18

29 Naýryz, 10:21:19
Almaty
+35°

Jýaly aýdanynda ulttyq oıyn túrlerinen aýdandyq týrnır ótti. Baıraqty básekege ár aýyldyq okrýgten kelgen komandalar qatysty. Týrnırdi «Nur Otan» partııasynyń Saıası Doktrınasyn iske asyrýǵa baǵyttalǵan sharalar aıasynda uıymdastyryldy. Sondaı-aq, partııa músheleri, aýdan turǵyndary arasynda deneshynyqtyrý jáne sportpen júıeli túrde aınalysýǵa shaqyra otyryp, bastaýysh partııa uıymdar arasynda úzdik sport komandalaryn anyqtaý, salamatty ómir saltyn, ulttyq oıyndar men belsendi sport túrlerin nasıhattaýǵa baǵyttaldy.

Sporttyq sharany Jambyl oblystyq máslıhatynyń depýtaty Álimbek Ásembekuly ashyp, «Aýylda da sporttyń túr-túrin keńinen nasıhattap, ár aýyl turǵynyn sportpen aınalysýǵa qyzyqtyrý qajet. Ulttyq oıyndardan jarys ótkizýdi dástúrge aınaldyrý kerek» – dep, qatysýshylarǵa sáttilik tiledi. Sondaı-aq, Jambyl oblystyq dene shynyqtyrý jáne sport basqarmasy basshysynyń orynbasary Bekbolat Muqanov ta óz tarapynan jınalǵan sportsúıer qaýymdy quttyqtap, demeýshilik jasap otyrǵan azamatqa alǵysyn bildirip, sportshylarǵa sáttilik tiledi.

Alǵashynda kórermen-jankúıerler «Teńge ilý» ulttyq oıynyn tamashalady. Ekinshi kezekte ótken «Aýdaryspaq» ulttyq oıynynda aýyl azamattary kúshtilik, tapqyrlyq men shydamdylyq tanytty. Aqtóbe, Qarasaz, Jetitóbe, Boraldaı, Qoshqarata, Kúreńbel aýyldarynan kelgen palýandar ekinshi aınalymǵa jetip, úshinshi oryndy kúreńbeldik Almas Qadyrov alsa, qoshqaratalyq Raýan Núrpeıis ekinshi jáne jetitóbelik Baqyt Dáýrenbekov júldeli birinshi oryndy ıelendi.

«Arqan tartý», «Qashpa dop», «Qatyn kúres», «Asyq atý» ulttyq oıyndar barysynda aýyldyq okrýgterden kelgen komandalar óz eptiligi men tapqyrlyǵyn tanytyp, kúsh synasty. Jarysqa qatysýshylar birinen-biri ozyp, óz ónerlerin ortaǵa saldy.

Jarystyń eń sońǵy erekshe oıyny – «Qoshqar kóterý» ulttyq oıyn barysynda kúshtiligi men eptiligin tanytyp, eń kóp ret 40 kelilik qoshqardy kótergen Aqsaı aýyldyq okrýgi Qaırat aýylynyń turǵyny Nurseıit Mahanbetjan naǵyz palýan atandy.

Tóreshilerdiń bergen baǵasynyń qorytyndysymen komandalyq birinshi oryndy Aqsaı aýyldyq okrýgi, ekinshi oryndy Kúreńbel aýyldyq okrýgi jáne úshinshi júldeli oryndy Jetitóbe aýyldyq okrýginiń sportshylary jeńip aldy. Demeýshi Álimbek Jumabaev saltanatty túrde birinshi oryn alǵan jeńimpazdarǵa 200 myń teńge, ekinshi orynǵa – 150 myń teńge jáne úshinshi orynǵa – 100 myń teńge tapsyrdy. Al, Anar Ahmetova men Maqsutbek Arzymbetov erekshe kózge túsip, keremet oıyn kórsetip, jankúıerlerdi tańqaldyrǵan oıynshylar men palýandarǵa Qurmet gramotalary men Alǵyshattaryn tabystady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir