• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:31:02
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Tátti túbir terimi bastaldy

Jambyl oblysynyń dıqandary óńirdegi qyzylsha alqaptarynyń kólemin jyl ótken saıyn keńeıtip keledi. Buǵan oblys basshylyǵynyń tátti túbir ósirýshilerge jasap otyrǵan qolaıly jaǵdaıy úlken septigin tıgizýde. Jyl basynda baltamyr ekken sharýalar jaqynda ónim jınaýǵa kirisip ketti.

Atalǵan iste Baızaq aýdanynyń dıqandary aldyńǵy qatardan kórinip otyr. Aýdannan attanǵan alǵashqy bolyp tátti túbir tıegen aýyr júk kólikterin taraz qant zaýyty qabyldady.

Búginde aýyl sharýashylyǵy daqyldarynyń ishinen eń negizgisi bul qant qyzylshasy bolyp otyr. Tátti túbirdi ósirý, onyń kólemin ulǵaıtý jáne ónimdiligin arttyrý aýdanymyzdyń mańyzdy strategııalyq salasy bolyp qala bermek.

Osy baǵytta aýdan basshylyǵy tarapynan aýqymdy ister atqarylyp, aýdan kólemindegi qant qyzylshasyn ekken sharýashylyqtardyń aldyńǵy qatarynda aptanyń beısenbisi kúni Qostóbe aýyldyq okrýgindegi “Zýlýf-ogly” sharýa qojalyǵy Taraz qalasynda ornalasqan qant zaýytyna óz ónimderin ótkizdi.

Sharýa qojalyq jetekshisi Osman Zýlýf-ogly ústimizdegi jyly óz ıeligindegi jerdiń elý bes gektaryna qant qyzylshasyn ekse, onyń on bes gektaryn tamshylatyp sýarý tehnologııasy boıynsha otyrǵyzypty. Atalmysh sharýa qojalyqta bes adam eńbek etse, naýqan kezinde qosymsha qajettiligine baılanysty adamdar jumyspen qamtylady eken.

Memlekettik qoldaý nátıjesinde sharýalarǵa barlyq jaǵdaı jasalyp jatqanyn atap ótken sharýa tuqym sebýden bastap ónim alǵanǵa deıin jumysty sapaly júrgizý jónindegi is-tájirıbesin ortaǵa saldy. Osy alqaptaǵy qant qyzylshasy únemi baqylaýda ustalyp, ýaqytyly sýarý, túrli tyńaıtqyshtardy berý, túbin qopsytý, aramshópten tazalaý nátıjesinde búginde egis alqaby jaıqalyp tur. “Bul - bala sııaqty, baby men kútimi kelisse ǵana ónim beredi”, - deıdi Osman Zýlýf-ogly.

Qojalyq basshysyna sáttilik tilegen biz qant qyzylshasy tıelgen kerýenmen ilesip Taraz qalasyndaǵy qant zaýytyna bet aldyq. Munda qaz-qatar sap túzegen aýyr júk kólikteri retimen tarazyǵa tátti túbirdi ólshetip, kezegimen tıisti orynǵa aýdaryp jatty.

“О́zderińiz kórip turǵandaı, búginnen bastap aýdanda qant qyzylshasyn jınaý bastaldy. Aýdan boıynsha ústimizdegi jyly 1207 gektar qant qyzylshasy jınalady dep otyrmyz. Bıyl qant zaýytyna 35-36 myń tonna shamasynda tátti túbir ótkizý josparda bar. Qant zaýytyna alǵashqy bolyp “Zýlýf-ogly” sharýa qojalyǵy qant qyzylshasyn ótkizýde. Olar ár gektardan 600 sentnerden ónim alýǵa úmitti” - deıdi bizge bergen suhbatynda aýdan ákiminiń orynbasary Bolat Saǵynbekov.

Osylaısha, aýa-raıynyń qolaıly sátin tıimdi paıdalanyp qalýǵa umtylǵan aýdan sharýalary qant qyzylshasy alqabynda qyzý eńbekke kirisip te ketti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir