• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:03:34
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Sportshy qyzdar mektebiniń maqtanyshtary

Jýaly aýdany Baýyrjan Momyshuly aýylyndaǵy «Jastar alleıasynda» jastar arasyndaǵy kóshe sportyn damytý maqsatynda «Ult bolashaǵy – deni saý urpaq» atty «Street Workout» týrnıri ótken bolatyn. Týrnırge 14 okrýgten baǵyn synaýǵa 14-29 jas aralyǵyndaǵy sportshylar keldi. Eń qyzyǵy erler arasyndaǵy týrnırge Nulykent aýyldyq okrýginen eki sportshy qyz qatysyp, «Eń úzdik sportshy» jáne «Eń jas sportshy» atalymyn jeńip aldy.

Olar – Aqbota Dúıın 2005 jyly dúnıege kelse, Núrzıe Nazarova 2003 jyly ómir esigin ashqan. Qazirgi tańda sportshylar №5 M.Lomonosov atyndaǵy orta mekteptiń 8 jáne 10 synyp oqýshylary. Olar sabaqtan tys ýaqyttaryn tıimdi paıdalanyp, sportpen aınalysady. Onyń ishinde kishi fýtbol, basketbol jáne «Jaýyngerlik karate» jáne «MIX COMVAT»-pen shuǵyldanady. Jattyǵý atalǵan mekteptiń sportzalynda ótedi. Jattyǵýdyń qyzdar úshin sabaqqa esh kedergisi joq, sabaq úlgerimderi de jaqsy. Qos qyzdyń ata-analarynyń sportqa degen kózqarastary jaqsy, kúter úmitteri kóp.

Aqbota men Núrzıeniń jattyǵý alańynda alǵan tájirıbelerin oıyn barysynda kórsetip, sport salasynda jetken jetistikteri de barshylyq. Máselen, Aqbota – kishi fýtboldan, basketboldan aýdannyń birneshe dúrkin chempıony, oblystyq jarystyń II oryn jeńimpazy, 2015 jyly Kýdo karateden, Djıý-Djıtsýdan oblystyq jarystardyń I oryn ıegeri. Al, 2015-2019 jyldary Taraz qalasynda ótken Jaýyngerlik karateden oblystyń 10 dúrkin chempıony atandy. Sonymen qatar, karate-do godzıý-rıýdan oblystyq jarysta oblystyń birneshe dúrkin chempıony. 2017-2019 jyldary Almatyda ótken «Fullcontac Karate» Qazaqstan Respýblıkasynyń chempıonatynyń 2 dúrkin jeńimpazy atanyp, kýbokpen marapattaldy. 2018-2019 jyly Astana qalasynda ótken shınkıokýshınkaı karateden ótken Qazaqstan Respýblıkasynyń Chempıonatynda I oryn alyp, altyn medalmen jane kýbokpen nagradtaldy. 2019 jyly ótken oblystyq grepplıng jarysynyń altyn júldegeri. 2019 jyly Taraz qalasynda ótken Ashıhara karateden ótken Halyqaralyq jarystyń jáne Arashı karateden ótken Halyqaralyq jarystyń altyn medal júldegeri.

Núrzıe de – kishi fýtbol, basketbol oıyndarynyń jeńimpazy. Ol 2015 jyly Kýdo karateden oblystyq jarysta I oryn, Djıý-Djıtsýdan oblystyq jarysta II oryndy ıelenip, 2015-2019 jyldary Taraz qalasynda ótken oblystyń qola, kúmis, altyn júldegeri atandy. Karate-do godzıý-rıýdan oblystyq jarysta I oryn, Almatyda ótken «Fullcontact Karate»Qazaqstan Respýblıkasynyń chempıonatynda II oryn alyp, kúmis medalmen jáne kýbokpen marapattaldy. 2019 jyly ótken Almaty qalasynyń kıeokýshıkaı karate jarysynda III oryn alyp, qola medalmen marapattaldy. 2018-2019 jyldary Astana qalasynda ótken shınkıokýshınkaı karateden ótken Qazaqstan Respýblıkasynyń chempıonatynda III oryn alyp, qola medalmen jane kýbokpen nagradtaldy. 2017-2019 jyldary Taraz qalasynda ótken Djıý-Djıtsýdan oblystyq jarystyń, 2018 jyly Shymkent qalasynda ótken respýblıkalyq týrnıri JEET KUNE DO shyǵys jekpe-jeginiń, 2019 jyly Taraz qalasynda ótken Jaýyngerlik karateden respýblıkalyq týrnırdiń altyn medal júldegeri. 2019 jyly shınkıokýshınkaı karateden ótken Halyqaralyq jarystyń kúmis medal júldegeri.

Sportshy qyzdar elimizdiń kók týyn kókte jelbiretip, ata-analarynyń, ustazynyń úmitin aqtap, el namysyn shet elderde qorǵap, bıik shyńdardan kórinýdi maqsat tutqan jandar.

Sondaı-aq, mektep maqtanyshtary Qazaqstan Respýblıkasynyń sport sheberine úmitker. Qos sportshy osy jetistikterge jetkizýge kóp kómegin bergen «Jaýyngerlik karate» jáne «MIX COMVAT-tan» ustazy Artyq Rahymjanulyna alǵystaryn aıtýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir