• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:37:33
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Qutqarýshylar qyzmetin qylqalammen sýrettedi

Jambyl oblysy Tótenshe jaǵdaılar departamentiniń О́rt sóndirý qyzmetinde jyl saıyn «19 qazan – Qazaqstan Respýblıkasynyń Qutqarýshylar kúni» kásibı merekesine oraı qyzmetkerlerdiń balalary arasynda sýret salýdan baıqaý uıymdastyrylyp keledi. Bul jylǵy baıqaý «Mamandyǵy – qutqarýshy» taqyrybynda ótti. Baıqaý jarııalanǵan sátten bastap arada kóp ýaqyt ótpeı mekemege balalar tarapynan 15 týyndy kelip tústi. Baldyrǵandardyń ózderi salǵan sýretterine qarap, ózindik aıtaıyn degen oılaryn ańǵarýǵa bolady. Degenmen bizge málim bolǵany qaı bala bolmasyn ákesiniń atqaratyn qyzmetimen maqtanatyndyǵyn, tipti bolashaqta ákeleriniń jolyn qýyp, olar da órt sóndirýshi-qutqarýshy bolǵysy keletindikterin aıtpaı-aq túsinýge bolady.

Sonymen qatar, atalmysh baıqaýmen qatar poetıkalyq baıqaýdyń da uıymdastyrylyp ótkizilgendigin atap ótken jón. Al bul baıqaý «Qutqarýshylar qashan da qurmetke laıyq» dep ataldy. Atalǵan baıqaý túri boıynsha qyzmetkerler men olardyń balalary ózderiniń qyzmettiń mártebesin kóteretindeı deńgeıdegi shyǵarmalary men óleń joldaryn usyndy. Bul shara barysynda azamattyq qorǵaý salasy da talanttardan quralaqan emes ekendigin kórsetti. Baıqaý sońynda 8 óleń men esseler jınaqtaldy.

Baıqaý nátıjesi belgili bolǵan soń, mekemeniń oqý synybyna jınalǵan qazylar alqasynyń músheleri baıqaýdy qorytyndylady. Oblystyq Tótenshe jaǵdaılar departamenti men О́rt sóndirý mekemesinen quralǵan komıssııa músheleri árbir týyndymen búge-shigesine deıin tolyq deńgeıde tanysyp, birinen biri ótetin týyndylarǵa laıyqty baǵalaryn berdi. Aıta ketken jón, shalǵaı aýdandardaǵy bólimshelerden kele almaǵan qyzmetkerler áleýmettik jeli arqyly ózderiniń óleńderin beınetaspaǵa túsirip joldaǵan bolatyn. Qazy músheleri belsene qatysqan qyzmetkerler men olardyń balalaryna alǵystaryn bildirip, tıisti baǵalaryn berýge kiristi.

«Mamandyǵy – qutqarý» sýret baıqaýy boıynsha I oryndy Taraz qalasy №3 О́rt sóndirý bólimi qyzmetkeriniń balasy Sharımhan Mansýr ıelendi. Al II oryndy Taraz qalasy №4 О́rt sóndirý bólimi qyzmetkeriniń qyzy Ińkár Káribaı jeńip aldy. Sondaı-aq Jýaly aýdany №7 О́rt sóndirý bólimi qyzmetkeriniń uly Abdýazız Qadirbekke júldeli III oryn buıyrdy. Al shyǵarmashylyq baıqaýda I oryndy Shý aýdany, Shý qalasy №5 О́r sóndirý bóliminiń órt sóndirýshisi, azamattyq qorǵaý serjanty Esenaman Nádirbek jeńip aldy. II oryndy Taraz qalasy №2 mamandandyrylǵan órt sóndirý bóliminiń órt sóndirýshi-qutqarýshysy Nurǵazy Berdihanov ıelendi. Shý aýdany, Shý qalasy №5 órt sóndirý bóliminiń qaraýyl bastyǵy, azamattyq qorǵaý aǵa leıtenanty Asylhan Iýsýpov III orynnan kórindi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir