• USD 468.56

  • EUR 497.56

  • RUB 7.3

  • CNY 67.18

29 Naýryz, 12:10:36
Almaty
+35°

Baızaq aýdanynda «Sananyń jańǵyrýy – qoǵamnyń jańǵyrýy» taqyrybynda qoǵamdyq forým ótti Onda sanany jańǵyrtý men birlikti saqtaý, sananyń ashyqtyǵyn qalyptastyrý, urpaq tárbıesine úlken mán berý, taptaýryn bolǵan daǵdylardan bas tartýǵa qoǵamnyń nazaryn aýdarý máseleleri talqylandy.

Keleli jıyndy moderator, aqyn-sazger Qasqyrbaı Narbatyr ashyp, júrgizip otyrdy. Qazaqstan Respýblıkasy bilim berý isiniń úzdigi, ardager-ustaz Aıtmahan Tyshqanbaev «Birligimiz-basymyzdaǵy baǵymyz» taqyrybynda baıandama jasap, el birligi men tutastyǵyn saqtaý jolynda eren eńbek sińirgen Tóle, Qazybek, Áıteke bıler men Abylaı syndy handardyń salyp ketken sara joly, uly babalardyń muratyn, Táýelsizdik jyldarynda jetken jetistikterimizdi, Elbasy men Memleket basshysy Qasym-Jomart Toqaevtyń qazaq tiliniń mártebesin bıiktetý jolyndaǵy eńbekterin naqty derektermen áńgimeledi.

Munan keıin «Tilesh qajy» meshitiniń bas ımamy Rahymbek Abırovtyń “Maqsat - ysyrapqa jol bermeý” taqyrybyndaǵy baıandamasy tyńdaldy.Rahymbek Kenjebaıuly din men dástúrdiń sabaqtastyǵyna súıene otyryp, qaraly jıynda ysyrapqa jol bermeý, as berý, kesene salýdy básekege aınaldyrmaý turǵysynda Quran aıattary men paıǵambarymyzdyń (s.ǵ.s) hadısterinen úzindiler keltirdi. Al Sarykemer mektep-gımnazııasynyń qazaq tili jáne ádebıet pániniń muǵalimi Raýshan Abýeva jas urpaqty ulttyq qundylyqtar negizinde tárbıeleýdiń jaı-japsaryn áńgimeledi. Sondaı-aq, qazirgi tańda balalardy ǵalamtor men teledıdar tárbıelep jatqandyǵy jaıly keńinen tolǵandy. Urpaq tárbıesin qaýzaǵan oıdy №3 Baızaq kolledjiniń dırektory Muhıt Nysanbaev ary qaraı órbitti.

Qoǵam aldynda turǵan kókeıkesti máselelerdi kótergen forýmdy aýdan ákimi Nurjan Nurjigitov qorytyndylady. Kún sanap ózgerip jatqan dúbirli dúnıede sanany jetildirip, qundylyqtar men ulttyq kodymyzdy saqtaı otyryp, zaman aǵymyna ıkemdelýdiń mańyzyn atap ótti. Elbasynyń «Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasynyń máni óskeleń urpaqty eńbekke baýlý, bilimdi jıyp, ǵylymdy ıgerý ekendigin, oblystyq «Eldik elge baılanysty» qoǵamdyq forým qatysýshylarynyń Úndeýi baǵytynda jumystar jasalatyndyǵyn jetkizdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir