• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:42:16
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Krımınogendik ahýal turaqtalýda

Jýaly aýdanynda birneshe páter tonaýǵa qatysy bar baýkespe qolǵa tústi. Bul týraly aýdandyq polısııa bóliminiń bastyǵy, polısııa podpolkovnıgi Mergenbaı Qoıkenov málimdedi.

Aýdannyń bas polıseıiniń aıtýy boıynsha, ótken jylmen salystyrǵanda, aýdandyq polısııa bóliminiń jeke quramynyń jedel áreket etýiniń arqasynda bıylǵy jyly aýdanda bótenniń múlkin urlaý, sonyń ishinde mal jáne páter urlyǵy azaıyp, ashylý kórsetkishi de birshama jaqsaryp otyr eken.

– Aýdandyq polısııa bóliminde jyl basynan beri 21 páter urlyǵy deregi tirkelse, ótken toǵyz aıdyń ishinde onyń 16-sy ashyldy. Bul derekter boıynsha qylmystyq is qozǵalyp, bólim qyzmetkerleri tarapynan jedel-izdestirý sharalary júrgizilýde. Sonyń nátıjesinde mine, taıaýda kúdikti T. esimdi azamat quryqtaldy. Búgingi tańda onyń alty birdeı páter urlyǵyna qatysy bar ekeni belgili boldy. Aıta keterligi, ol qylmystyń osy túrimen buǵan deıin de aınalysyp, sotty bolǵan. Keltirilgen bultartpas dálelderdiń arqasynda ol páter urlyǵyna qatysy baryn moıyndady. Qazir ol qamaýǵa alyndy. QR QK 188-babymen («Urlyq») qylmystyq is qozǵalyp, sotqa deıingi tergeý amaldary júrgizilýde, – deıdi M. Qoıkenov.

Aýdanda ótken jyldyń sáıkes kezeńine qaraǵanda mal urlyǵy deńgeıi de eki esege derlik tómendegen. Máselen, 2018 jyldyń toǵyz aıynda mal urlyǵy 27 derekti qurasa, bıylǵy jyl basynan beri 13 derek tirkelip, búginde onyń teń jartysy ashylǵan. Qalǵan derekterdiń ashylýymen jumystar júrgizilýde eken.

Kórsetkishterdiń joǵarylaýyna tártip saqshylarynyń tehnıkalyq bazasynyń jaqsarýy sep bolyp otyr eken. Atap aıtqanda, oblystyq polısııa departamenti men aýdan ákimdiginiń qoldaýymen bıyl jazda barlyq aýyldyq okrýgterdegi ýchaskelik polısııa ınspektorlary kólikti bolǵan. Olarǵa 15 dana sý jańa «Nıva» markili qyzmettik avtokólik berildi, qyzmettik úı-jaılary tıisti talaptarǵa sáıkestikke keltirilýde.

– Odan bólek, polısııa qyzmetkerleriniń kúndelikti jumysyn aqparattyq qoldaý maqsatynda jáne jumysta qoldaný úshin oblystyq polısııa departamenti alty qyzmettik planshet berdi. Bul qurylǵylar ákimshilik quqyq buzýshylyq faktisi anyqtalǵan jaǵdaıda, hattamany sol jerde toltyryp, quqyq buzýshy azamatqa buryn-sońdy hattama jazylǵanyn teksere alady. Osy planshetke qosa aldaǵy 2020 jylǵy aýdan bıýdjetine ár polısııa ınspektorlaryna keýdesine taǵyp júretin shaǵyn túsirý kamerasyn aldyrý josparlanýda. Bul kamera da qylmysty nemese ákimshilik quqyq buzýshylyq faktisin jedel tirkep, daýly máseleler týyndaǵan jaǵdaıda taptyrmas aıǵaq quraly bolmaq, – deıdi polısııa bóliminiń bastyǵy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir