• USD 389.52
  • EUR 429.21
  • RUB 6.07
  • CNY 54.94
20 Qańtar, 08:06:00
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jýalyda mektepter tolyqtaı kompıýterlendirilgen

Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynyń tórtinshi «Áleýmettik jańǵyrýdyń jańa kezeńi» bóliminde áleýmettik saladaǵy basym baǵyttarǵa, sonyń ishinde bilim berýdiń sapasyna basa mán berý qajettiligi aıtylady. Bul rette, Jambyl oblysynda atalǵan salany damytý boıynsha keshendi sharalar atqarylýda. Onyń ishinde, Jýaly aýdanynda bilim berý isinde ilgerileýshilik anyq ańǵarylyp otyr.

Aýdan ákimdiginiń bilim bólimine qarasty 72 bilim berý, mektepke deıingi tárbıe men bilim berý jáne mektepten tys bilim berý uıymy qyzmet etedi. Sonyń ishinde 39-y jalpy orta bilim beretin mektep, 26-sy memlekettik balabaqsha, bir shaǵyn ortalyq, tórteýi mektepten tys mekeme jáne bir psıhologııalyq-pedagogıkalyq túzetý kabıneti jáne beseýi jeke menshik balabaqsha.

– Jańa oqý jylynda 39 mektepte 11 244 bala bilim alýda. Bilim berý mekemelerin ońtaılandyrý maqsatynda jańa oqý jyly qarsańynda bólimge qarasty Tóńkeris bastaýysh mektebi jabyldy. Aýdan mektepterinde 1 752 muǵalim jumys atqarýda, onyń 1665 joǵary bilimdi, 87-siniń bilimi – arnaýly orta.

Jalpy bilim beretin 39 mekteptiń barlyǵy kompıýtendirilgen jáne telefon baılanysy ornatylǵan. Mundaǵy kompıýterler sany 1 795 danany quraıdy, ıaǵnı toǵyz oqýshyǵa bir kompıýterden keldi. Internet jelisine qosylǵan, onyń ishinde keń arnaly ınternet jelisine qosylǵany – 40 mektep. 23 mekteptiń kitaphanasy Internet jelisine qosylǵan.

Aýdan mektepterinde barlyǵy 95 ınteraktıvti taqta bar. Arnaıy jabdyqtalǵan pán kabınetteri sany – 70, odan bólek, 30 lıngafondy-mýltımedıalyq kabınet, úsh mekteptiń bazasynda IT-synyptar ashyldy. Jalpy oqytý kabıneti – 737, ondaǵy muǵalimderge arnalǵan kompıýterler sany 696, – deıdi aýdan ákimdigi bilim bóliminiń basshysy Májıt Aıjanov.

Sonymen qatar, bilim sapasy men mazmunyn arttyrý maqsatynda mektep oqýshylaryn jańa býyndy oqýlyqtarmen qamtamasyz etý boıynsha jumys qarqyndy júrip jatyr eken. Aǵymdaǵy oqý jyly «Aýdannyń memlekettik bilim berý mekemeleri úshin oqýlyqtar men oqý-ádistemelik keshenderdi satyp alý jáne jetkizý» baǵdarlamasyna aýdandyq bıýdjetten 183 233,0 myń teńge qarjy qarastyrylyp, 2019-2020 oqý jylyna aýdandaǵy 4,9,10 synyp oqýshylaryna oqýlyqtar jáne MADT tárbıelenýshileri men 8, 9 synyptardyń oqýshylaryna úshtildilik boıynsha oqý-ádistemelik keshenderge 11 baspamen sharttar jasalǵan. Oqýlyqtar jańa oqý jyly bastalǵanǵa deıin aýdanǵa tolyǵymen jetkizilip, oqýshylarymyz sapaly oqýlyqtarmen qamtamasyz etilipti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir