• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:05:04
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jasyl jelek – janǵa saıa

Jasyl jelek – janǵa saıa. Tabıǵatty aıalaý, qorshaǵan ortaǵa janashyrlyq kózqaras tanytý adamzattyń basty boryshtarynyń biri sanalady. Sońǵy jyldary ǵalamdyq ekologııanyń shekten tys buzylýyna baılanysty aǵash egý jumystary qolǵa alynyp, sol arqyly qorshaǵan ortanyń aýasyn tazartý sharalary júrgizilip jatqany belgili. Ekologııaǵa paıdaly mundaı jumystar bizdiń Áýlıeata óńirinde de qarqyndy qolǵa alynyp otyr. Onyń ishinde, Jýaly jeriniń tabıǵaty aǵash egýge eń qolaıly aımaq bolyp sanalady.

Jaqynda aýdan aýmaǵynda respýblıkalyq aǵash egý aksııasy aıasynda senbilik uıymdastyryldy. Kógaldandyrýǵa baǵyttalǵan senbilikke jambyldyqtar da belsene atsalysty. Sharaǵa oblys basshysy Asqar Myrzahmetov bastaǵan barlyq orynbasarlary, aýdan ákimderi, basqarma basshylary, ardagarler keńesi jáne ózge de uıymdar men qoǵamdyq birlestikterdiń tóraǵalary men ókilderi qatysty.

Oblys boıynsha barlyǵy 18466 adam 18880 kóshet otyrǵyzdy. Onyń ishinde, qaraǵaı, shyrsha, qaraǵash, arsha, terek, emen, sheten, aılant sekildi aǵash túrleri bar. Senbilik óńirdegi 98 eldimekendi qamtydy.

Aıta keteıik, aımaq basshysy Asqar Myrzahmetov tal egý aksııasyna oblystyń shalǵaı aýdany – Moıynqumnan qatysty. Onda moıynqumdyq jastar men qyzmetkerlermen birge «Jaz Ata», «Jasyl el» saıabaqtaryna tal egip, sharaǵa qarqyndy úles qosty. Atalǵan aksııa aıasynda oblys ákimi Asqar Myrzahmetov jáne Moıynqum aýdany ákimi Máden Musaev týıa, emen, terek aǵashtaryn otyrǵyzyp, ıgi istiń mańyzdylyǵyn týraly toqtalyp ótti.

Senbilikke jýalylyqtar da belsene atsalysty. Onyń aıasynda aýdan ortalyǵyndaǵy jáne oǵan jaqyn ornalasqan aýyldyq okrýgterdegi saıabaqtarǵa aǵash kóshetteri otyrǵyzyldy. Aıta ketý kerek, senbilik jumystaryna aýdan ákimi Narbaı Ergebekov, aýdan ákiminiń orynbasarlary, aýdandyq máslıhat, qoǵamdyq keńestiń qyzmetkerleri belsene qatysty.

Atap aıtqanda, senbilikke qatysýshylar aýdan ortalyǵynyń eń kórikti oryndary sanalatyn dańqty qolbasshy Baýyrjan Momyshuly eskertkishiniń aınalasyna, «Jasaı ber, Qazaqstan!» saıabaǵyna, Jastar alleıasyna, sonymen birge Qaırat aýylyndaǵy Baýyrjan Momyshuly atyndaǵy saıabaqqa terek, qaraaǵash jáne ózge de aǵashtardyń jas kóshetteri egildi. Respýblıkalyq aksııa aıasyndaǵy jumystar uıymshyldyqpen ótkizildi. Aǵash egý jumystarynyń barysyn aýdan ákimi Narbaı Ergebekov qadaǵalap, ózi de Baýyrjan Momyshuly atyndaǵy saıabaqqa kóshetter otyrǵyzdy. Aýdan basshysy senbilikke qatysýshylarǵa qorshaǵan ortanyń ahýalyna, ekologııalyq máselelerge aǵash egý arqyly úles qosýǵa bolatynyn aıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir