Jambyldyq mektepter jańartylǵan bilim berý mazmunyna kóshýde

Jambyl oblysynda jańartylǵan bilim berý mazmunyna kezeń-kezeńimen kóshý tapsyrmasyna sáıkes bilim mekemelerin qajetti pedagogtarmen qamtamasyz etý maqsatynda josparly jumystar júrgizilýde. Bul sharalar oblys aýdandarynda da myqtap qolǵa alynyp keledi. Máselen, Jýaly aýdanynda jańartylǵan bilim berý mazmunyna kóshýge oraı 40 mektep dırektory men 40 dırektordyń oqý isi jónindegi orynbasarlary men 25 tárbıe isi jónindegi orynbasarlary «Nazarbaev Zııatkerlik mektepteri» derbes bilim berý uıymynyń pedagogıkalyq sheberlik ortalyǵynyń Taraz qalasyndaǵy fılıalynda qysqa merzimdi bilim mazmunyn jańǵyrtý kýrstary boıynsha eki aptalyq jáne bir aptalyq kýrstardan óz bilimderin jetildirdi. Sondaı-aq, Almaty qalasynda 3 tárbıe orynbasary «Máńgilik el» baǵdarlamasy boıynsha biliktiligin arttydy. Trenerlik kýrstan 107 muǵalim ótti. Al robototehnıka kýrsynan 35 muǵalim ótti. Krıterıaldy baǵalaý boıynsha – 19 mektep dırektorynyń oqý isi jónindegi orynbasary ótti.

– «О́rleý» BAUO uıymdastyrýymen ótken jyly aýdanymyzda negizgi pánder boıynsha biliktilikti arttyrý kýrstary ótkizilip, bastaýysh synyp muǵalimderi 120, geografııa páni muǵalimderi 28, hımııa páni muǵalimderi 25, bıologııa páni boıynsha 28, tarıh páni 24, quqyq tarıh pánderi boıynsha 30, matematıka páni 29, dene shynyqtyrý 31, qazaq tili 28, orys tili 28, ınklıýzıvti oqytý boıynsha 24 muǵalimge (AÁD jáne pedagog psıhologtar, ózin-ózi taný pán muǵalimderi) aýdan ortalyǵynda kóshpeli kýrstar uıymdastyryldy.

Taraz qalasy PShO bazasynda ár pán boıynsha 132 muǵalim biliktilikti arttyrý kýrsynan ótti. Jalpy ótken oqý jylynda 578 muǵalim kýrstan ótip, 478 muǵalimdi biliktikti arttyrý kýrsynan ótýge suranys berildi. 2018 jyldyń qarasha aıynda «Baǵalaýǵa arnalǵan tapsyrmalardy daıyndaý jáne saraptaý» taqyrybynda 15 pán muǵalimderi jáne «Robot tehnıkasy negizderi» boıynsha 6 muǵalim Taraz qalasy PShO bazasynda kýrstan ótti.

Aǵymdaǵy jyldyń basynan beri 30 qazaq tili men ádebıeti páni, 80 bastaýysh synyp muǵalimi, 35 deneshynyqtyrý, 10 tarıh páni, 21 fızıka páni muǵalimi jańartylǵan bilim berý mazmuny boıynsha kýrstan ótip sertıfıkattaldy. 30 muǵalim «Robototehnıka jáne 3D modeldeý» taqyrybynda eki aptalyq oqýǵa qatysty, – deıdi Jýaly aýdandyq bilim bóliminiń basshysy Májıt Aıjanov.

Qazirgi kezde aýdannyń bilim berý salasynyń aldynda ınfraqurylymdyq damytý men jańartylǵan mazmunǵa kóshý basty basymdyq bolyp otyr. Aýdanda 2016-2017 oqý jylynda 1 synyp, 2017-2018 oqý jylynda 2, 5, 7 synyptar jańartylǵan bilim mazmunyna kóshse, 2018-2019 oqý jylynda 3,6,8-synyptar jańartylǵan bilim mazmunyna kóshken.