• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:34:43
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jambyl oblysynda "Joldaǵy qabyldaý" aksııasy ótti

Jambyl oblysynyń Tótenshe jaǵdaılar departamentiniń bastamasymen Taraz qalasy turǵyndarynyń azamattyq qorǵaý organdarynyń qyzmeti týraly aqparattandyrylýyn jáne halyqpen ózara is-qımyldy arttyrý maqsatynda «Joldaǵy qabyldaý» respýblıkalyq aksııasy uıymdastyryldy. Aksııa aǵymdaǵy jylǵy Taraz qalasyndaǵy «Jeńis» qalalyq saıabaǵynyń aýmaǵynda Tótenshe jaǵdaılar departamenti bastyǵy, azamattyq qorǵaý polkovnıgi Baǵdat Danılovtyń basshylyǵymen ótti.

Aksııa barysynda qala turǵyndary men qonaqtaryna órt qaýipsizdigi, azamattyq qorǵanys, órt sóndirý qyzmeti salasyndaǵy máseleler boıynsha túsiniktemeler berildi. Sondaı-aq azamattyq qorǵaý organdaryna qyzmetke kirý erejeleri túsindirildi.

Negizinen turǵyndardy órt sóndirýshilerdiń órt shyǵý ornyna sýsyz kelý, azamattyq qorǵaý organdaryna qyzmetke kirý, kásipkerlik qyzmetti júrgizý máseleleri boıynsha azamattyq qorǵaý organdarynan qorytyndy alý qyzyqtyrdy. Sonymen qatar, attraksıondar men batýttardaǵy qaýipsizdik úshin jaýapkershilik, azamattyq qorǵanys qyzmeti jaıly jáne ózge de qoǵamdyq jáne qala turǵyndary úshin mańyzy asa zor suraqtar qoıyldy.

Stýdentter men mektep oqýshylaryn Qazaqstan Respýblıkasy Ishki ister mınıstrliginiń vedomstvolyq joǵary oqý ornyna oqýǵa jáne órt sóndirýshiler men qutqarýshylar qataryna oqýǵa túsý máseleleri qyzyqtyrdy. Kadr saıasaty bóliminiń qyzmetkerleri Qazaqstan Respýblıkasy Ishki ister mınıstrliginiń Tótenshe jaǵdaılar komıteti Kókshetaý tehnıkalyq ınstıtýtyna oqýǵa túsý boıynsha túsinik berip, kórnekilik broshıýralar taratyldy, órt sóndirý jáne avarııalyq – qutqarý jumystary qyzmetine jumysqa qabyldaý erejeleri túsindirildi.

Aksııaǵa qatysqan M. H. Dýlatı atyndaǵy Taraz memlekettik ýnıversıtetiniń «Tirshilik áreketiniń qaýipsizdigi jáne qorshaǵan ortany qorǵaý» kafedrasynyń meńgerýshisi Departament bastyǵyna óz áriptesterin olardyń kafedralaryna arnaıy baǵyttalǵan pánderdi oqytý úshin jiberýdi usyndy.

Mundaı is-sharalar halyqpen jumys jasaýda halyqqa azamattyq qorǵaý organdarynyń qyzmeti týraly jetkizý, Tótenshe jaǵdaılar departamentiniń kórsetetin qyzmetteri týraly saýattylyq deńgeıin kóterý, sonymen birge, jalpy azamattyq qorǵaý organdary júıesin oń baǵalaýǵa yqpal etedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir