Vetpýnkter úı-jaımen qamtylýda

Jambyl oblysy aýmaǵynda enzootııalyq aýrýlarǵa qarsy kúres qarqyndy júrýde. Bul maqsatta aımaqta 388 mln teńge bólinip, múıizdi iri qara malynyń teılerıoz aýrýyna, jylqynyń saqaýyna jáne aýyl sharýashylyǵy maldarynyń salmonellez aýyrýyna qarsy egiletin vaksınalary alynyp, aldyn alý jumystary josparǵa sáıkes júrgizilýde.

Oblys kóleminde azyq-túlik ónimderiniń qaýipsizdigin qamtamasyz etýdi baqylaý jáne qadaǵalaý jumystary júrgizilýde. О́ńirde 14 stasıonarlyq, 4 jyljymaly veterınarııalyq-sanıtarııalyq laboratorııa jumys atqarýda.

Oblys boıynsha mal ólekselerin zalalsyzdandyratyn 41 bıotermııalyq shuńqyr jáne mal ólekselerin órteıtin 16 stasıonarly, 5 jyljymaly barlyǵy 21 ınsınerator iske qosylǵan.

Oblystaǵy barlyq veterınarııalyq nysandar veterınarııa bólimderimen baqylaýǵa alynǵan. Veterınarııalyq zańnama talaptary buzǵylǵan jaǵdaıda Ákimshilik quqyq buzýshylyq kodekisiniń 406 babymen aıyppul salynady. Osy rette, 2019 jyldyń 9 aıynda zańdy jáne jeke tulǵalarǵa 8 mln. 509 myń 748 teńge aıyppul salynyp, veterınarııalyq-sanıtarııalyq talaptardy oryndaý úshin 1186 nusqama berilgen.

Sibir jarasy kómindileriniń kadastri boıynsha oblys aýmaǵynda 189 sibir jarasy oshaǵy belgilengen. Barlyq oshaqtar sanıtarııalyq-epıdemıologııalyq talaptarǵa sáıkestendirilip, turaqty jer paıdalaný quqyǵyn beretin aktisi alynyp, biryńǵaı avtomattandyrylǵan aqparattyq júıege engizilgen.

Sonymen qatar, aımaqta aýyl sharýashylyq janýarlaryn birdeılendirý jumystary da júrgizilýde. Bul maqsatta QR aýyl sharýashylyǵy mınıstrliginen oblysqa bólingen 188 388 dana múıizdi iri qara maldyń, 1629954 dana qoı-eshkiniń qulaq japsyrmalary aýdandarǵa taratyldy.

Aýyldyq okrýgterde 160 veterınarııalyq pýnktter qurylǵan, onyń 75-i 2018 jyly qyzmettik úı-jaımen qamtamasyz etildi. 2019 jyly 48 veterınarııalyq pýnktterge qyzmettik úı-jaımen qamtamasyz etý josparlanǵan. Qalǵan 37 veterınarııalyq pýnktterdi qyzmettik úı-jaımen qamtamasyz etý 2020 jylǵa josparlandy. Eldi mekenderdi malǵa dári-dármek egýge, qan synamalaryn alýǵa arnalǵan alańdarmen jáne iri qara maldardy ektoparazıtterge qarsy dárileýge arnalǵan dýshtarmen qamtý jumystary júrgizilýde.

Aǵymdaǵy jyly 9 ýaq maldardardy kenege qarsy shomyldyratyn mal toǵytpalarymen qamtý josparlanǵan, jyl sońyna deıin qamtamasyz etilip barlyǵy 152 nysan bolady.