• USD 468.56

  • EUR 497.56

  • RUB 7.3

  • CNY 67.18

29 Naýryz, 16:45:42
Almaty
+35°

Jambyl oblysy turǵyndarynyń qaýipsizdigin qadaǵalaý maqsatynda Qazaqstan Respýblıkasy Aýyl sharýashylyǵy Mınıstrliginiń Veterınarııalyq baqylaý jáne qadaǵalaý komıtetiniń Jambyl oblystyq aýmaqtyq ınspeksııasy aımaqtyń epızootııalyq ahýalyn tolyq baqylaýda ustap otyr. Atalǵan jumystar nátıjesinde, janýarlar arqyly taraıtyn túrli qaýipti aýrýlardyń taralýyna jol berilmeı otyr.

Máselen, 2018 jyly oblys boıynsha 9 oshaqta brýsellez aýrýynan saýyqtyrý is-sharalary júrgizilse, bıyl oblys boıynsha 5 oshaqta saýyqtyrý is-sharalary júrgizildi. Onyń ishinde 1 oshaqtaǵy saýyqtyrý jumystary 2018 jyldan aýysyp, 2019 jyly jalǵastyrylyp, nátıjesinde qoıylǵan shekteýler alyndy. 2019 jyldyń 4 oshaǵynan barlyǵy 5461 bas usaq maldardan, 30 bas múıizdi iri qaradan, 14 bas et qorektiden 2-4 retten qan alynyp, 18 bas usaq mal brýsellezge oń nátıje kórsetip, sanıtarııalyq soıýǵa jiberildi, 5000 sharshy metr qora-jaılar zalalsyzdandyryldy.

Adamdardyń brýsellezben aýyrýyn epıdemıologııalyq turǵydan taldaý barysynda 2017 jyly 212 adam, 2018 jyly 200 adam aýyryp tirkelse, 2019 jyldyń 9 aıynda 147 adam aýyryp, aýrýdyń juǵýy tómendeýde.

Sonymen qatar, shetelden alyp kelingen asyl tuqymdy maldardan aýrý taramaýy da aýmaqtyq ınspeksııa baqylaýynda tur. Bul rette, ınspeksııa mamandary atalǵan tórt túlikti tolyq tekserýden ótkizip keledi. Atap aıtar bolsaq, Jambyl oblysyna 2018 jyly Reseı Federasııasy men Chehııa Respýblıkasynan barlyǵy 1717 bas asyl tuqymdy múıizdi iri qara maldary ákelinse, 2019 jyly Reseı, Chehııadan, Avstrııadan, Germanııadan barlyǵy 4174 bas asyl tuqymdy múıizdi iri qara maldary ákelindi. Veterınarııalyq-sanıtarııalyq talaptarǵa sáıkes ákelingen múıizdi iri qara maldary karantınge qoıylyp, tıisti veterınarııalyq is-sharalar júrgizilip, karantın alyndy.

Jaýapty mamandar veterınarııalyq-sanıtarııalyq baqylaý jumystaryn da qatardan qaldyrmaı keledi. 2018 jyly oblys boıynsha 19 tekserýler júrgizilip, 54 jeke jáne zańdy tulǵalarǵa Ákimshilik quqyq buzýshylyq Kodeksiniń 406 babynyń negizinde 1 887 925 teńge aıyppul salynyp, 43 nusqama berilse, 2019 jyldyń 9 aıynda 27 jeke jáne 1 zańdy tulǵalarǵa Ákimshilik quqyq buzýshylyq Kodeksiniń 406 babynyń negizinde 789 063 teńge aıyppul salynyp, 56 nusqama berilgen.

Al, jergilikti atqarýshy organdardyń veterınarııalyq mamandary 282 tulǵalarǵa 8 168 873 teńge aıyppul salyp, 1186 dana nusqama berdi. Oblys boıynsha barlyǵy 310 tulǵaǵa 8 957 936 teńge aıyppul salynǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir