16 Qazan, 2019 Aımaqtar

Bilim mekemeleri jaýapty maýsymǵa daıyn

Áne-mine degenshe kári quda – qys ta qylyshyn súıretip, qyr astyna jetip qaldy. Bul rette, asa jaýapty jylytý maýsymyn abyroımen atqarý – asa mańyzdy is. Ásirese, áleýmettik mańyzy bar nysandardy jylýmen qamtamasyz etý qatań baqylaýǵa alynýda. Jambyl oblysynda bul baǵyttaǵy jumystar jaz aılarynda bastalyp, qazirgi tańda tolyqtaı aıaǵyna jetken. «Qys shanasyn jaz saılaıtyn» Jýaly aýdanynyń turǵyndary da mańyzdy kezeńge tyńǵylyqty daıyndalýda.

Atap aıtar bolsaq, Jýalyda bilim mekemeleriniń qysqy jylytý maýsymyna daıyndyǵy aýdandyq bilim bólimniń turaqty nazarynda.

– Aýdandaǵy 72 bilim berý mekemesinde 33 qazandyq bar. Bólimge qarasty barlyq bilim mekemeleriniń áınekteri qos qabatty jáne qatty otynmen (kómirmen) jylytylatyn bilim mekemelerinde kómirhana bar. Qazandyǵy bar bilim mekemeleri tolyqtaı qosalqy generatormen qamtamasyz etilgen.

Aıta ketsek, 49 mekeme suıyq otynmen, al 23 mekeme qatty otynmen jylytylady. 2019 jyly qatty otynmen qamtamasyz etýge mektepterge 35 790,0 myń teńge, balabaqshalarǵa 2 820,0 myń teńge, al suıyq otynmen qamtamasyz etýge mektepterge 46 600,0 myń teńge, balabaqshalarǵa 9 350,0 myń teńge qarastyrylyp otyr, – deıdi aýdan ákimdigi bilim bóliminiń basshysy Májıt Aıjanov.

Bul rette, oqýshylardy tasymaldaý jáne ystyq tamaqpen qamtamasyz etý jumystaryna ad joǵary deńgeıde nazar aýdarylyp otyr eken. Jańa oqý jylynda aýdannyń 17 eldi mekeninen 525 oqýshy toǵyz orta mektepke tasymaldanyp oqytylýda. 2019 jyly az qamtamasyz etilgen otbasynan shyqqan 2546 balaǵa 165783,0 myń teńge qarjy qaralyp, 9 aıda 74 paıyzy ıaǵnı, 123041,0 myń teńge qarajat ıgerilip, ystyq tamaq berilýde.

Jaýapty maýsymda balabaqshalar da anazardan tys qalyp jatqan joq. Jalpy, aýdanda 32 mektepke deıingi uıym jumys jasaıdy. Sonyń ishinde 26 memlekettik balabaqshada – 2075 bala, «Aıgólek» shaǵyn ortalyǵynda 50 bala, jekemenshik balabaqshalarda 280 bala mektepke deıingi tárbıemen qamtylýda. 0-6 jas aralyǵynda kezekte turǵan balalar sany -750.

Aýdanda mektep jasyna deıingi balalardy tárbıe jáne oqytýmen qamtý úlesi 1-6 jas aralyǵyndaǵy 82 paıyz, al, 3-6 jas aralyǵyndaǵy balalardy mektepke deıingi tárbıemen qamtý úlesi aýdanda 100 paıyzdy kórsetip otyr. Iаǵnı, aýdan 1-6 jas kórsetkish boıynsha 4,8 paıyz tómen, al 3-6 jas boıynsha- 2,1 paıyz joǵary. Búgingi kúni, 1-6 jas aralyǵyndaǵy balalardy mektepke deıingi tárbıe jáne oqytýmen qamtý úlesin oblystyq kórsetkishke jetkizý boıynsha jumystar júrgizilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir