• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:11:20
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Aýyl turǵyndarynyń suranysyn "Aıaýlym" qanaǵattandyryp otyr

Jambyl oblysynda 1 men 6 jas aralyǵyndaǵy balalardy mektepke deıingi tárbıemen jáne oqytýmen tolyq qamtý maqsatynda balabaqshalar men shaǵyn ortalyqtar kóptep ashylýda. Nátıjesinde, baldyrǵandardy qamtý kórsetkishi 100 paıyzǵa jýyqtap qaldy. Mundaı nátıjege aýdandarda balalar baqshalaryn ashý isiniń ilgerileýi de óz septigin tıgizip otyr.

Balabaqsha ashýdy myqtap qolǵa alǵan aýdandardyń biri – T. Rysqulov aýdany. Aýdandaǵy Aqyrtóbe aýylynda qazir eki balalar baqshasy bar. Onyń bireýi memlekettik te, ekinshisi, jekemenshik bóbekjaı. Aýdandyq bilim berý bólimine qaraıtyn «Bolashaq» balabaqshasyna 65 búldirshin baryp júr. Buryn aýdanda balalardy baqshalarǵa ornalastyrý ájeptáýir másele edi. Keıingi kezde aralas ıaǵnı, memlekettik baqshamen jekemenshik baqshanyń seriktesýi arqasynda paıda bolǵan mekemeler kóbeıip, baqsha kezegi anaǵurlym azaıǵan. Aıtý lázim, kásipkerler óz qarajattaryna baqsha salyp, ony jartylaı memleket menshigine ótkizip, birlese jumys isteýde. Mundaı jaǵdaıda memleket tarapynan ár balaǵa 24500 teńge qarajat bólinedi.

Aqyrtóbe aýylynda ótken jyldyń qyrkúıek aıynda ashylǵan «Aıaýlym» jekemenshik bóbekjaıynda búginde elý búldirshin tárbıelenýde. Bóbekjaıdy ashqan aýdanymyzǵa belgili partııa jáne memleket qaıratkeri bolyp zeınetke shyqqan «Qazaqstan Respýblıkasynyń Bilim berý isiniń Qurmetti qyzmetkeri» Záýresh Orynqulqyzy Toıbekova. Z. Toıbekovanyń Aqyrtóbe aýylynan jekemenshik bóbekjaı ashýy aldymen aýyl turǵyndaryna jasaǵan úlken jaqsylyǵy boldy.

– Bóbekjaı ashý kópten beri oıymda júr edi. «Týǵan jerge týyńdy tik» demeı me? Aýyldaǵy bir balabaqsha jalpy turǵyn halyqtyń suranysyn óteı almaıdy ǵoı. Sondyqtan on úsh-on tórt bólmeli turǵyn úıdi bóbekjaıǵa aınaldyryp, ashanasyna deıin salyp, bitirdik. Tórt tárbıeshi, bir ádisker, bir horeograf, eki bala kútýshi men eki aspaz, barlyǵy 23 adam balalarǵa aıanbaı qyzmet kórsetýde, – deıdi Záýresh Orynqulqyzy shyrt uıqyda jatqan búldirshinderdi oıatyp almaıyn dep, aqyryn sóılep.

«Aıyna alty myń tólemaqy degen ne táıiri, eń bastysy balalarymyz qaraýsyz kóshede qalmaı meıirimdi de kishipeıil adamdardyń qamqorlyǵyna kóshti» deıdi qazir kez kelgen aýyl turǵynynan suraı qalsańyz. Áıtkenmen «Aıaýlymǵa» kezekte turǵandardyń sany 20-ǵa jetipti.

Munda balalardyń da, tárbıeshilerdiń de bos ýaqyty joq. Bóbekjaıda bári de aldyn ala jasalǵan jospar, baǵdarlamaǵa sáıkes ótedi. Degenmen baqsha meńgerýshisi Záýresh Toıbekova aldyn boljap, aldaǵy jyly taǵy da 50 balaǵa arnalǵan mektepke deıingi daıyndyq tobyn ashýdy kózdep otyr.

Sol úshin arnaıy jer bólinip, aldaǵy kóktemde qurylys jumystaryn bastamaqshy bolyp otyr eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir