• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:53:07
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

"Dıplommen – aýylǵa!" – jastarǵa mol múmkindik

«Dıplommen – aýylǵa!» baǵdarla­masynyń úzdiksiz júzege asyrylyp kele jatqanyna bıyl 10 jylǵa jýyqtady. Prezıdent Qasym-Jomart Toqaev jaqynda jarııalaǵan Jolda­ýynda baǵdarlamaǵa bólinetin qarajatty 20 mlrd teńgege ulǵaıtýdy tapsyrdy. Onyń birden-bir sebebin aýyldyq mektepterde pedagog kadr­lardyń jetispeýshiligimen baılanystyrdy.

Atalǵan baǵdarlama osy jyldar aralyǵynda memleketke de, jas mamandarǵa da tıimdi ekenin dáleldep otyr. Tıimdisi sol, joǵary oqý ornyn bitirgen, qolynda dıplomy bar jas mamandar aýyldarǵa baryp memleket esebinen birjolǵy kótermeaqy, sodan soń az paıyzben nesıe alyp, sol qarjyǵa jergilikti jerden turǵyn úı satyp alady. Sóıtip ary qaraı óz salasy boıynsha mamandyǵymen jumysyn jalǵastyra beredi. «Baspana – baqyt shamy» demekshi, oqýdy jańa ǵana bitirip kelgen jas mamandarǵa bul úlken kómek bolmaq.

Baǵdarlama aıasynda Jýaly aýdanyna attanatyn jastardyń qarasy qalyń. Aýdan ákimdigi aýyl sharýashylyǵy bólimi mamandarynyń bergen málimetinshe, 2019 jylǵa turǵyn úı satyp alý nemese salý úshin 18 mamanǵa respýblıkalyq bıýdjetten barlyǵy 68 175 myń teńge jáne kóterme járdemaqyǵa 43 mamanǵa jergilikti bıýdjetten barlyǵy 7 600,3 myń teńge qarastyrylǵan.

Jalpy, bıýdjettik nesıe alýǵa jyl basynan 33 maman qujat tapsyryp, nátıjesinde 15 mamanǵa tıisti nesıe berilgen. Tórt maman bólingen qarjynyń jyldyq tólemder josparyna sáıkes qazan aıyna kezektilikke qalyptasty. Onyń ishinde, bilim salasynan 11, densaýlyq saqtaý salasynan tórt, mádenıet salasynan bir, sport salasynan bir, agroónerkásiptik keshen salasynan eki maman bar.

Kóterme járdemaqy alýǵa jyl basynan 51 maman qujat tapsyryp, nátıjesinde 43 mamanǵa kóterme járdemaqy berildi. Onyń ishinde, bilim salasynan 24 maman, densaýlyq saqtaý salasynan 10 maman, áleýmettik qamsyzdandyrý salasynan bir maman, mádenıet salasynan úsh maman, sport salasynan bir maman, agroónerkásiptik keshen salasynan tórt maman.

Baǵdarlama aıasynda bilim, densaýlyq saqtaý salalaryna basymdyq beriletini belgili. «Dıplommen – aýylǵa!» baǵdarlamasy boıynsha jumysqa ornalasyp, memleket qarajaty arqyly turǵyn úıge qol jetkizgen jas mamannyń biri – Aqerke Qoıshıeva. Aqerke Qaıratqyzy Aqbastaý aýylyndaǵy №14 B.Maılın atyndaǵy orta mektepte aǵylshyn tilinen ustazdyq etedi.

– Men Qyzylorda oblysynyń túlegimin. Joǵary oqý ornyn bitirgen soń jýalylyq Bekjan esimdi jigitke turmysqa shyǵyp, mamandyǵym

boıynsha osynda jumysqa ornalastym. Elimizdiń jarqyn bolashaǵy sanalatyn jas býynǵa ustazdyq etip júrgenime qýanyshtymyn. Bıylǵy jyly «Dıplommen – aýylǵa!» baǵdarlamasy boıynsha jeńildetilgen nesıe alyp, turǵyn úıge qol jetkizdim,- deıdi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir