16 Qazan, 2019 Aımaqtar

Tarazdyqtar "Rýhanı jańǵyrý" baǵdarlamasyna belsene qatysýda

Qoǵamnyń ómiriniń san salasyna túren salyp, tarıhqa qaıta úńilý arqyly ótkendi tanýǵa baǵyt bergen Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy aıasynda Taraz qalasynda da aıtýǵa turarlyq sharýa atqaryldy, dep jazady Qamshy.kz aqparat agenttigi. 

О́z kezeginde bul jumystardyń óz deńgeıinde atqarylýy qalalyq jobalyq ofıs pen qalalyq ákimdiktiń jiti nazarynda. Ári bul qurylymdar baǵdarlamalyq maqaladan týyndaǵan mindetterdi iske asyrý, nasıhattaý jumystarynda esepti kezeńge jasalǵan josparǵa ıek artady.

–Bıylǵy josparǵa Taraz qalasy kóleminde atqarylatyn 86 is-shara engizildi. Jyl basynan beri san túrli baǵyttar men jobalardy qamtyǵan bul sharalardyń 58-i ótkizildi. Atalǵan sharalarǵa 17 352 tarazdyq qatysty. Al josparǵa saı 86 is-shara 36 282 qala turǵynyn qamtymaq. Sondaı-aq baǵdarlamalyq maqaladan týyndaıtyn kishi baǵdarlamalardyń da óz deńgeıinde iske asyrylǵanyn atap ótken jón. Máselen Taraz qalasynda «Rýhanı qazyna» kishi baǵdarlamasy boıynsha 4 joba qolǵa alynsa, «Tárbıe jáne bilim» kishi baǵdarlamasy boıynsha da 4 joba uıymdastyrylyp jatyr. Sondaı-aq «Atameken» kishi baǵdarlamasy aıasynda 1 joba iske asyrylýda. Bul jobalarǵa qaralǵan jalpy qarajattyń kólemi 82,3 mıllıon teńgeni quraıdy. «Bolashaqqa baǵdar: Rýhanı jańǵyrý» baǵdarlamalyq maqalasynyń kishi baǵdarlamalary aıasynda uıymdastyrylǵan 382 is-shara 60 350 qala turǵynyn qamtydy,–deıdi qala ákiminiń orynbasary Kenjebek Oljabaı.

Sondaı-aq «Rýhanı jańǵyrý» rásimi aıasynda ótkizilgen «Tarazdyń túrlenýi» atty iskerlik-áriptestik kezdesýi, «TARAZ FILM SCHOOL» kıno mektebiniń túlekterine sertıfıkat tabystaý rásimderi tarazdyqtardyń jadynda saqtalǵany anyq. Munan bólek «Siz oqýǵa tıis álemdik 100 kitap» ádebıet alleıasy men «Qazaqstandaǵy tarıhı oryndar» atty kitap kórmesi de oblys ortalyǵy turǵyndarynyń rýhanı jan dúnıesin baıyta tústi. Oblystyń 80 jyldyq mereıtoıy aıasynda jańǵyrǵan Jeńis saıabaǵynda aýdan ónerpazdarynyń qatysýymen ótkizilgen «Jambylym qandaı tamasha» atty konserttik baǵdarlamasynda da tarazdyqtar ulttyq ónerdiń qadir-qasıetin jete sezine aldy. Osynaý sharalarǵa qala turǵyndarynyń belsendi qatysýynan tarıhı shahardaǵy «Rýhanı jańǵyrý» baǵdarlamasynyń óz deńgeıinde qolǵa alynǵany ańǵarylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir