• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:56:00
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jolaýshylar kórsetiletin qyzmet sapasy artyp keledi

Jambyl oblysynda «Nurly jol» memlekettik baǵdarlamasy aıasynda turǵyndarynyń sany 100 adamnan asatyn eldi mekenderdi qoǵamdyq kólikpen qamtý kórsetkishin 96 paıyzǵa jetkizý kózdelip otyr. Josparǵa saı jyl sońyna deıin Baızaq, Qordaı, Shý aýdandaryndaǵy birqatar eldi mekenderge qoǵamdyq qatynaıtyn bolady, dep jazady Qamshy.kz aqparat agenttigi. 

Qazirgi tańda oblystaǵy turǵyndarynyń sany 100-den asatyn 355 eldi meken bolsa onyń 338-i qoǵamdyq kólikpen qamtylǵan. Jyl sońyna deıin bul qatarǵa taǵy 3 eldi meken qosylmaq. Atap aıtqanda Baızaq aýdanyndaǵy Jańaturmys aýyly, Qordaı aýdanyndaǵy Soǵandy aýyly, Shý aýdanyndaǵy Abaı aýylynyń turǵyndarynyń qarym-qatynas jasaýy ońtaılana túspek.

–Baǵdarlamalyq ındıkatorǵa qol jetkizý úshin, atalǵan eldi mekenderge aýdan ákimdikteri marshrýt syzbasyn bekitip, jolaýshylar tasymalyn uıymdastyrýǵa tasymaldaýshyny anyqtaýy tıis,–deıdi oblys ákimdigi jolaýshylar kóligi men avtomobıl joldary basqarmasynyń basshysy Baqytjan Jánibekov.

Qazirgi tańda oblys turǵyndaryn qoǵamdyq kólikpen qamtý isi joǵary deńgeıde jolǵa qoıylǵan. Ásirese shalǵaı eldi meken turǵyndarynyń aýdan, oblys ortalyǵyna qatynaýy máselesine aıryqsha mán berilýde. Bul oraıda, jańa marshrýttyq baǵyttarǵa udaıy konkýrstar uıymdastyrylyp turady. Sáıkesinshe konkýrs jeńimpazdarynyń turǵyndar talabynan shyǵýyn oblys ákimdiginiń salalyq basqarmasy men tıisti ýákiletti organdardyń jiti nazarynda ustaıdy. Munan bólek oblys ortalyǵynda jolaýshylarǵa qyzmet kórsetý salasyndaǵy sapaǵa aıryqsha mán berilgenin atap ótken jón. Búginde Taraz qalasynda 10 tasymaldaýshy mekeme 42 baǵyt boıynsha jolaýshylarǵa qyzmet kórsetip jatyr. Olar óz taraptarynan qyzmet sapasyn kóterý maqsatynda avtobýs parkiterin kezeń-kezeńimen jańartyp turady. О́tken jyly qalalishilik marshrýttardaǵy qyzmet sapasyn arttyrý maqsatynda 71 dana avtobýs satyp alynyp jolaýshylarǵa qyzmet kórsetýdi bastady. Al bıyl jyl sońyna deıin taǵy 50 jańa avtobýsty satyp, marshrýttarǵa qoıý josparlanyp otyr. Jańa avtobýstar qaladaǵy shaǵyn aýdandarmen shalǵaıdaǵy turǵyn alqaptaryn ortalyqpen jalǵaıtyn baǵyttarǵa qoıylmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir