• USD 468.56

  • EUR 497.56

  • RUB 7.3

  • CNY 67.18

28 Naýryz, 18:28:36
Almaty
+35°

Qytaı-Qazaq shekarasyn buzyp, saıası bosqyn mártebesin suraǵan eki azamat 1 jylǵa sottalýy múmkin dep jazady Qamshy.kz aqparat agenttigi "Astana" telearnasyna silteme jasap.

Qaster Musaqanulynyń qorǵaýshysy Murager Álimuly osylaı dep otyr. Qazir sotqa deıinge tergeý jumystary júrip jatyr. 

1 qazan Qytaıdyń Dórbiljiń aýdanynan shyǵyp, zańsyz shekara kesip Qazaqstanǵa kelgen Murager Álimuly, Qaster Musaqanuly saıası bosqyn mártebesin suraıdy. Qaıta barsaq, arnaıy lagerden bir-aq shyǵamyz, deıdi. «Atajurt eriktileri» uıymynyń jetekshsi halyqaralyq erejelerge saı memleket olardy Qytaıǵa tapsyrmaýy qajet dep otyr.

Bekzat Maqsuthanuly, "Atajurt eriktileri" basshysy: "Halyqaralyq zańdar bar. Bosqyn basyna  egerde shynymen aýyr jaǵdaıǵa túsken bolsa ony qaıtarmaý kerek degen. Iаǵnı kóp memlekette kelisim bar sol boıynsha qaıtarylmaıdy dep."

Eki azamatqa qatysty memlekettik shekarany zańsyz kesip ótý faktisi boıynsha sotqa deıingi tergeý júrip jatyr. Advokat Baýyrjan Azanov olar shekarany kesýige májbúr bolǵanyn aıtyp otyr.

Bizdiń QK 392 baby 1-shi bóliminiń sanksııasy boıynsha 1 jylǵa sottalýy múmkin ne aıyppul tóleıdi. Ulttyq qaýipsizdik komıteti Shekara qyzmeti istiń aq-qarasyn anyqtaýda eshqandaı zańsyz áreketterge jol berilmeıtinin, barlyǵy zańǵa sáıkes bolatynyn málimdedi.

Qytaımen shektesip jatqan Shyǵys Qazaqstan oblysyna jyl basynan beri 131 januıa Aspan asty elinen qonys aýdarǵan. Mamandar bul prosestiń esh qıyndyǵy joq, deıdi. Olar elge kelip, kóshi-qon qyzmetinde esepke turady. Sodan keıin qujattardy HQKO-na memlekettik baǵdarlama boıynsha kóshýge tapsyrady. Onyń ishinde Qytaı halyq respýblıkasy, Mońǵolııa, Ázerbaıjan, Reseı jáne de О́zbekstan Respýblıkasynan qonys aýdardy. 250 adam memlekettik baǵdarlama arqasynda sýbsıdııaǵa ıe boldy. Biraq Qytaı qandaı da bir quqyq zań buzýshylyqqa qatysy bar azamattarǵa elden shyǵýǵa vıza bermeıdi. Ulttyq qaýipsizdik komıteti Qaster Musahanulynyń osydan 13 jyl buryn da shekarany kesip ótpek bolǵany úshin ustalǵanyn habarlady.

Al Syrtyq ister mınıstrliginiń resmı ókili Qytaıdaǵy Qazaqstan elshiligine qysym kórdik dep, kómek surap kelgen qazaqtar bolmaǵanyn aıtyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir