Jazǵy oqý zaldarynyń jumysy nátıjeli boldy

Taraz qalasynda «Rýhanı jańǵyrý» baǵdarlamasy aıasynda jastardyń ıntellektýaldyq deńgeıin arttyrýǵa basa mán berilýde. Sondyqtan da olardyń oqyp-bilim alýyna, jeke izdenisine mol ashý máselesi kún tártibinen túsken emes. О́z kezeginde bul jumystarǵa kitaphanalardyń kóp jyldyq tájirıbesi kádege jarap keledi, dep jazady Qamshy.kz aqparat agenttigi. 

Qoǵam sanasyna silkinis ákelgen baǵdarlamanyń negizgi maqsaty ótkendi taný, tarıhty qaıta jańǵyrtý arqyly zamanaýı syn-qaterlerge tótep bere alatyn básekege qabiletti urpaq tárbıeleý ekeni eshqandaı talas týdyrmaıdy. Bul oraıda Taraz qalasynda Jastar jyly aıasynda birqatar nysandar ashyldy. Máselen shahardaǵy Mıhaıl Sholohov atyndaǵy kitaphanada «Kovorkıng» ortalyqtary ashyldy. Qazan aıynyń sońyna deıin Taraz qalalyq jastar resýrstyq ortalyǵynyń ǵımaratynda ushqyr oıly, talapty hám zerekter mundaı nysan jastarǵa esigin aıqara ashpaq. «Kovorkıng» ortalyqtarymen birge saıabaqtarda jazǵy oqý zalyn uıymdastyrý tájirıbesi de tarazdyq jastardyń kóńilinen shyǵýda. Bul joba aǵymdaǵy jyldyń maýsym-tamyz aılarynda «Arman», «Fresno», Q.Rysqulbekov, T.Rysqulov, B. Momyshuly atyndaǵy «Jeńis» saıabaqtarynda uıymdastyryldy. Bul oqý zaldarynda jastar janǵa saıa bolar saıabaqtyń saf aýasymen tynystap, kitap oqyp qana qoımaıdy. «Rýhanı jańǵyrý» baǵdarlamasy aıasynda ótkiziletin is-sharalardyń belsendi qatysýshysy atanady. О́z kezeginde bul is-sharalar kitap, gazet-jýrnal oqıtyn jastardy yntalandyryp, olardyń áreketterge kópshilikke úlgi etýge baǵyttalady. Ári bul sharalar barysynda kitaphanalardyń turaqty oqyrmany sanalatyn qala jastary kópshilikke kitaphanalar qoryndaǵy jańa týyndylar jaıynda aqparat beredi. Sonymen qatar merzim basylymdardyń betine jarııalanǵan maqalalar da keńinen nasıhattalady.

Sáıkesinshe saıabaqtardaǵy jazǵy oqý zaly jobasynyń aıasynda kitaphanalardyń qyzmetin tutynatyn jastardyń sany artty. Saıyp kelgende bul sharanyń barlyǵy derlik jańa zaman tehnologııalyq quraldaryn kúndelikti ómirleriniń bólshegine aınaldyrǵan qala jastarynyń kóńilin kórkem ádebıetke aýdarý maqsatynda jasalyp otyr. Al mamyr aıynda mektep oqýshylary arasynda túndigin túrgen «Kitap oqyp, mıllıoner bol» baıqaýy da jasórenderdiń erekshe qyzyǵýshylyǵyn týǵyzdy.