• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:56:00
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Múmkindigi shekteýli mektep oqýshylary alańsyz bilim alady

Jambyl oblysyndaǵy mektepterde múmkindik shekteýli jandardyń alańsyz bilim alýyna laıyqty jaǵdaı jasalyp keledi. Elimizdegi áleýmettik saıasattyń basym baǵyttarynyń birine jatatyn bul sharalar óńir mektepteriniń 76,9 paıyzyn qamtyǵan, dep jazady Qamshy.kz aqparat agenttigi. 

Qazir óńirdegi 340 mektepte ınklıýzıvti bilim berýge bar jaǵdaı jasalǵan. Atap aıtqanda olar pandýstarmen, súıenetin jaqtaýlarmen jáne keń esiktermen, taktıldi joldarmen jabdyqtalǵan.Sondaı-aq 400 mektepke deıingi bilim mekemesiniń 171-i erekshe bilim berýdi qajet etetin búldirshinderge laıyqty orta qalyptasqan. Búginde oblys aýmaǵynda mektepke deıingi tárbıeleý oryndary men orta mektepterde 7961 múmkindigi shekteýli bala bilim alatynyn eskersek olar úshin qolaıly orta qalyptastyrýdyń mańyzdylyǵy esh talas týdyrmaıdy.

Sonymen qatar óńirde múmkindigi shekteýli balalardy damytý, olarǵa meılinshe qolaıly jaǵdaı jasaý maqsatynda oblys ákimdiginiń bilim basqarmasy aǵymdaǵy jyldyń aqpan aıynda Nur-Sultan qalasyndaǵy Ulttyq ońaltý ortalyǵy jáne Almaty qalasyndaǵy «Bolashaq» korporatıvtik qorymen yntymaqtastyq týraly memorandýmǵa qol qoıdy. Atalǵan memorandýmǵa saı jańa oqý jyly basynda Taraz qalasyndaǵy №32 orta mekteptiń bazasynda «Ár bala mektepke laıyqty» jobasy iske qosylyp, aýtızm jáne basqa da dertterge shaldyqqan balalarǵa arnalǵan ınklıýzıvti qoldaý kabıneti ashyldy. Qazir munda 9 múmkindigi shekteýli bala kedergisiz bilim alýda. Sondaı-aq «DARA» jáne «SAMRUK KAZYNA TRUST» qaıyrymdylyq qorlarynyń qoldaýymen Taraz qalasyndaǵy №25 orta mektep janynan ınklıýzıvti bilim berýdiń resýrstyq kabıneti jumys isteıdi bastaıdy. Bul resýrstyq kabınet arqyly 125 bala ınklıýzıvti bilim berýmen qamtylǵan. Jyl sońyna Taraz qalasyndaǵy №20 orta mekteptiń janynan 100 balany qamtıtyn psıhologııalyq-pedagogıkalyq túzetý kabıneti ashylmaq. Múmkindigi shekteýli mektep oqýshylaryna qolaıly jaǵdaı jasaý maqsatynda QR Tuńǵysh Prezıdenti – Elbasy Qorynyń bastamasymen túzilgen «Qamqorlyq» Jol kartasy aıasynda Taraz qalasyndaǵy №9, №35 orta mektepterdiń janynan ınklıýzıvti bilim berýdiń resýrstyq kabınetteri ashylmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir