16 Qazan, 2019 Aımaqtar

Zańsyz jolaýshylar tasymalyna qarsy kúres sharalar kúsheıtiledi

Jambyl oblysynda zańsyz jolaýshylar tasymalynyń aldyn-alý, joıý maqsatynda jergilikti atqarýshy oryndarmen, quqyq qorǵaý qorǵaý organdary jáne salaǵa jaýapty respýblıkalyq mekemelerdiń oblystaǵy fılıaly birlesken reıdtik sharalar uıymdastyrýda. Bul sharalardyń nátıjesinde zańsyz jolaýshylar tasymaldaýshylardy taksı mekemelerine tirkeý jumystarymen qatar olardyń baǵasyn qoljetimdi etýge múmkindik berildi, dep jazady Qamshy.kz aqparat agenttigi. 

Zańsyz jolaýshylar tasymaly jolaýshylardyń ómirine qaýip tóndirip qana qoımaı, «kóleńkeli ekonomıkanyń» keń etek jaıýyna jol ashatyn kúrdeli másele. Sondyqtan Jambyl oblysynda atalǵan máseleni túbegeıli sheshý baǵytynda birqatar sharalar qolǵa alyndy. О́z kezeginde bul sharalar aıasynda jergilikti atqarýshy organdar men quqyq qorǵaý organdarynyń birlese áreket etýde. Mundaı sharalar ázirge reıdtik tekseris sıpatynda ótip jatyr. Quzyrly organ qyzmetkerleri men bılik ókilderi zańsyz jolaýshylar tasymaldaýshylarǵa túsindirme jumystaryn júrgizip, jadynamalar taratýda. Sondaı-aq jolaýshy tasymaldaýdyń zańyn kózge ilmegenderge ákimshilik hattamalar da toltyrylýda. Máselen aǵymdaǵy jyldyń I toqsanynda Taraz qalasymen aýdandarda uıymdastyrylǵan 42 reıdtik shara kezinde 316 tulǵanyń ústinen ákimshilik hattama toltyrylǵan. Sondaı-aq stıhııalyq oryndar mańynan arnaıy turaqqa uıymdastyrýǵa jer telimi qarastylyp jatyr. Bul jumys ázirge Taraz qalasy aýmaǵyndaǵy jergilikti jurt arasynda «Jansaıa», «Selpo» atalyp ketken turaqtarda qolǵa alyndy. Sonymen birge reıdtik sharalar kezinde zańsyz jolaýshylar tasymalymen aınalysyp kelgen jeke kóligi bar 1553 júrgizýshi taksı mekemelerine tirkeldi.

Zańsyz jolaýshylar tasymalyna qarsy turýda óńirdegi avtovokzaldardyń áleýeti de saralanyp, olardyń múmkindigine molynan paıdalaný jumystaryna nazar aýdarylýda.

–Qazir oblys aýmaǵynda 1 avtovokzal, 9 avtostansııa jáne 3 jolaýshylarǵa qyzmet kórsetý pýnkti jumys jasaıdy. Olardy keıbir aýdandaralyq, aýdan ortalyǵymen Taraz qalasyna jolaýshylardy tasymaldaýmen aınalassa, keıbirinde oblystyq, respýblıkalyq, halyqaralyq mańyzdaǵy 41 baǵytqa deıin bar. Jyl sońyna deıin jeke ınvestısııa esebinen 4 jolaýshylarǵa qyzmet kórsetý pýnkti ashylmaq. Bul mekemelerdiń kómegimen de zańsyz jolaýshylar tasymalyn azaıtýǵa qol jetkizilmek, – deıdi oblys ákimdiginiń jolaýshylar kóligi jáne avtomobıl joldary basqarmasynyń basshysy Baqytjan Jánibekov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir