• USD 389.52
  • EUR 429.21
  • RUB 6.07
  • CNY 54.94
24 Aqpan, 16:48:57
Shyńjańdyq dúngen: Dereý qazaqtardan keshirim surańdar! (aýdıo)

16 Qazan, 2019 Aımaqtar

Jýalylyq sportshylardyń jarqyn joly

Halyq qaharmany, Keńes Odaǵynyń batyry Baýyrjan Momyshulynyń týǵan jeri Jýaly aýdany- qaı sala bolmasyn aldyńǵy qatardan kórinip kele jatqan irgeli óńirdiń biri. Osy oraıda sport salasynda da aýyz toltyryp aıtarlyqtaı nátıjeler barshylyq. Búginde Jýaly aýdany ákimdiginiń deneshynyqtyrý jáne sport bólimin Maksýtbek Ábdiuly Arzymbetov biliktilikpen basqaryp keledi.

Elbasymyz N.Á.Nazarbaevtyń «HHI ǵasyrda tek kúshti, deni saý ult qana básekege qabiletti bola alady», degen jalyndy sózi jýalylyqtarǵa da tyń serpin berdi. Osy oraıda Qazaqstan Respýblıkasy Tuńǵysh Prezıdentiniń buqaralyq sportty damytý týraly tapsyrmasy aıasynda Jýaly jerinde birqatar naqty is-sharalar atqarylýda. Aýdanda № 13 jáne № 12 balalar jasóspirimder sport mektepteri jáne boks mektebi jumys isteıdi. Sport mektepterdiń 92 seksııasy aýdan boıynsha 1408 jastardy qamtyp, qazaqsha kúres, boks, dzıýdo, taekvondo, erkin kúres, basketbol, fýtbol, voleıbol, gir kóterý, toǵyzqumalaq, ústel tennısi, qol kúresi oıyndarynyń túrlerimen aýdan jastaryn dene shynyqtyrýǵa tartyp otyr.

-Búginde Jýalyda jas sportshylar kóptep tárbıelenýde. О́skeleń urpaq aýdannan shyqqan sańlaqtardy aıryqsha maqtan tutady. Olardyń qatarynda bokstan Olımpıada chempıony, Barker kýbogynyń ıegeri - Baqtııar Artaev, sambodan Álem kýbogynyń ıegeri, Azııanyń 2 dúrkin chempıony, KSRO halyqtar spartakııadasynyń jeńimpazy, Qazaqstannyń eń tańdaýly sportshysy Sálken Jartybaev, qazaqsha kúresten Álem, Azııanyń 2 dúrkin chempıony Seıdildaev Ǵanı, kıkbokstan Álem chempıony Dosaev Ǵanı, bokstan kadetter arasynda Álem chempıony Abdragımov Eldar; bokstan QR Chempıony Rahmanqul Saǵadat, bokstan QR chempıony, Álem chempıony (WSB), Azııa jáne Álem chempıonatynyń kúmis júldegeri (AIBA)-Ábilhan Amanqul, kókpardan álem chemıony Qulajan Toǵaıbaev syndy sańlaqtardyń esimderin erekshe ataýǵa bolady. Talaı dúbirli dodalarda elimizdiń kók týyn kókte jelbiretken osyndaı azamattardyń ónegeli joly jetkinshekterge jiger syılaýda, -deıdi Jýaly aýdany ákimdiginiń deneshynyqtyrý jáne sport bólimin Maksýtbek Ábdiuly Arzymbetov.

Rasynda da tynbaı jattyqqan adamnyń bıik belesterdi baǵyndyratyndyǵy daýsyz. Osy oraıda jergilikti jerdegi bapkerler de aıanbaı eńbek etýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir