• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:15:53
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jýalylyq jampozdardyń jeńisti joly

Elbasy N.Nazarbaevtyń buqaralyq sportty damytý týraly tapsyrmasy Jýaly aýdanynda júıeli júzege asýda. Bıylǵy 7 aıda aýdan boıynsha 219 sporttyq is-shara ótkizilip, oǵan 39803 adam qamtylǵan. Bul is-sharalardyń basym kópshiligi, aýdandyq dene shynyqtyrý jáne sport bóliminiń úılestirýimen, is-sharalardy júıeli túrde ótkizý ádistemesi boıynsha júrgizilip otyr.

Sporttyq is-sharalar ishinen Keńes áskeriniń Aýǵan jerinen shyǵarylǵanyna oraı ótken aýdandyq spartakıadany, Halyqaralyq áıelder kúnine oraı ótkizilgen is-sharany, Naýryz merekesine oraı ótken buqaralyq sporttyq is-sharalardy atap ótýge bolady. Mamyr aıynda Qazaqstan halqynyń birligi kúnine, Otan qorǵaýshylar kúnine jáne Jeńis kúnine oraı buqaralyq sporttyq is-sharalar uıymdastyryldy.

Búgingi tańda aýdan turǵyndary arasynda buqaralyq sportty, onyń ishinde voleıboldy damytý maqsatynda aýdan birinshiligi ótkizilip, barlyǵy 8 komanda qatysty.

Oblys ákimi A.Myrzahmetovtyń tapsyrmasyna sáıkes Jambyl oblysynyń úlken fýtboldan chempıonaty uıymdastyrylyp, búgingi tańda fýtboldan Jýaly aýdanynyń qurama komandasy chempıonatqa qatysýda. Jambyl oblysy birinshiliginiń ekinshi týry Jýaly aýdany Shaqpaq ata aýyldyq okrýginde ótkizildi.

Sondaı-aq óńirde mekemeler arasynda kishi fýtboldan apta saıyn aýdan birinshiligi ótkizilýde. Sonymen qatar, aǵymdaǵy jyly aýdanda alǵash ret grepplıng kúresinen Qazaqstan Respýblıkasy chempıonatyna oblystyq irikteý jarysy ótkizilip, oǵan 300-ge jýyq sportshy qatysty.

2019 jyly Aýla oıyndary, Alańdaǵy toǵyzqumalaq, Qazaqstan Barysy, Mektep lıgasy jáne ár-túrli sala qyzmetkerleri arasyndaǵy oblystyq spartakıadalarǵa aýdandyq, aýyldyq irikteý jarystary ótkizilip, oblystyq jarystarǵa qatystyryldy. Búgingi tańda Jýaly aýdanynyń sportshylary halyqaralyq jáne Qazaqstan Respýblıkasynyń sapynda óner kórsetýde. Olar: bokstan Amanqul Ábilhan, jastar arasynda Kóbetaı Maqsat, Ábdiqadir Damır, Dúısebaı Darhan. Kásibı boksta Rahmanqul Saǵadat Amerıka Qurama Shtatynyń Los Andjelos qalasynda atoı salýda. Ulttyq sport túrleri boıynsha kókpardan Qazaqstan Respýblıkasynyń sapynda júrgen sportshylarymyz Qulajan Toǵaıbaev, «Áýlıe Ata» qurama komandasynda óner korsetip júrgen Rat Islam, Rahmetýlla Samǵattyń esimderi elge eleýli. Dzıýdodan Ábihaı Abiken de darabozdar qatarynan kórnipi júr.

Aýdan sportshylarynyń jetken jetistikterine keler bolsaq, «Taraz- Arena» sport saraıynda ótken QR taekvondo federasııasynyń tuńǵysh prezıdenti Bekseıit Túlkıevti eske alýǵa arnalǵan jasóspirimder men jastar arasyndaǵy taekvondodan (WTF) ashyq respýblıkalyq týrnırden Doljanbek Aıbek pen Doljanbek Esmıra 1 oryndy ıelendi.

Dzıýdodan jasóspirim uldar men qyzdar arasyndaǵy QR chempıonatynda Dáýlet Shapaǵat chempıon atanyp, QR qurama komandasyna ense, Raqyshev Qazbek 3-oryndy ıelendi. Gir sportynan oblys chempıonatynda Joldasov Azamat 1-oryn, Asylbek Nursultan men Aqylbek Baǵdat 2-oryn ıelendi. Dáýlet Shapaǵat pen Raqyshev Qazbek jasóspirimder arasyndaǵy Álem chempıonatyna joldama utyp aldy.

Bokstan QR aımaqtyq chempıonatynda Amanqul Asylhan 3-oryn, qyzdar arasynda QR chempıonatynda Kýdınkına Marııa 2-oryn ıelendi. Galıb Djafarovtyń júldesi úshin halyqaralyq týrnırde Amanqul Asylhan 3-oryn ıelendi. Voleıboldan «Mektep Lıgasynda» Q. Saǵyndyqov atyndaǵy orta mektep oqýshylary oblystyq irikteý jarysynda 1-oryn ıelenip, Almaty qalasynda ótetin respýblıkalyq jarysqa joldama utyp aldy. Anjelıka Soı jasóspirimder arasyndaǵy Dýbaıda qazan aıynda ótetin Azııa birinshiligine joldama utyp aldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir