• USD 468.56

  • EUR 497.56

  • RUB 7.3

  • CNY 67.18

29 Naýryz, 03:27:56
Almaty
+35°

Adamı kapıtaldy damytý-memleket aldynda turǵan basty mindetterdiń biri. Bul týraly Elbasy Nursultan Nazarbaev únemi aıtyp keledi. Memleket basshysy Qasym-Jomart Toqaev ta Qazaqstan halqyna alǵashqy Joldaýynda bilim berý salasyndaǵy baǵyttardy baǵdarlap, Ult Kóshbasshysynyń sara jolyn laıyqty jalǵastyratyndyǵyn aıtty. Osy oraıda óskeleń urpaqty tárbıelep otyrǵan ulaǵatty ustazdarǵa júkteler jaýapkershilik joǵary.

Deıturǵanmen pedagogtar da eseli eńbegimen senim údesinen shyǵyp júr. Bul turǵyda Jambyl oblysynda mysal retinde aıtar jetistikter jeterlik. Árıne, «Ustazy jaqsynyń ustanymy jaqsy» degendeı, muǵalimder mereıi shákirtteriniń jetiktigimen eselene túsetindigi aıtpasa da túsinikti. Jambyl oblysy ákimdigi bilim basqarmasynyń basshysy Rahııa Turmahanbetovanyń aıtýynsha, aǵymdaǵy jyly oblys boıynsha mektep bitirgen 8813 túlektiń 317-i «Altyn belgi» tósbelgisine, al 242 oqýshy «Úzdik» attestatqa ıe bolǵan. Al, ulttyq biryńǵaı testileýdegi ortasha kórsetkish ótken jylmen salystyrǵanda 1,3 ballǵa ósse, bıylǵy túlekterdiń 75,5 paıyzy joǵary oqý oryndaryna túsken.

Sonymen qatar esepti merzimde respýblıkalyq jáne halyqaralyq deńgeıdegi olımpıadalar men ǵylymı joba jarystarynda oblys oqýshylary barlyǵy 132 medalǵa ıe bolypty. Sondaı-aq, 10 mektep túrli pánder boıynsha respýblıkadaǵy «100 úzdik mektep» qataryna engendigi de aýyz toltyryp aıtarlyqtaı jetistikterdiń biri. Ol ǵana emes, óńirdegi 1232 pedagog respýblıkalyq, halyqaralyq baıqaýlar men qashyqtyq olımpıadalarynda, taǵy 4 ustaz «Úzdik pedagog – 2019» respýblıkalyq konkýrsynyń jeńimpazy atanǵan.

Búginde QR Premer-Mınıstri men oblys ákimi arasyndaǵy memorandým, oblys ákimi jáne oblystyń aýdandary men Taraz qalasynyń ákimderi arasyndaǵy kelisimderdegi mejeli kórsetkishter men QR bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamalardyń oryndalý barysy basty nazarda. Bul turǵyda Jambyl oblysynda júıeli jumystar jalǵasyn tabýda.

Bilim sapasyn baqylaý, baǵalaý júıesin jetildire túsý, oblys mektepteriniń reıtıngilerin qurýdaǵy talaptardy kúsheıte otyryp, tómen kórsetkishterdi kóterý, mektep ınspektorlarynyń jumys júıesi, oqýshylardyń tıisti sanattaryn tegin ystyq tamaqpen, kıim-keshek jáne tasymalmen qamtý syndy mindetter aıasynda da tyndyrymdy tirlikter atqarylýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir