• USD 468.56

  • EUR 497.56

  • RUB 7.3

  • CNY 67.18

29 Naýryz, 15:11:20
Almaty
+35°

Memleket basshysy Qasym-Jomart Toqaevtyń aǵymdaǵy jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa arnaǵan Joldaýy damýdyń mańyzdy baǵyttaryn aıqyndady.

Joldaýdaǵy bes baǵyt – elimizdiń ýaqyt talabyna saı órkendeýiniń strategııasy ekendigin atap ótken jón. Memleket basshysy ásirese, Joldaýdyń tórtinshi baǵytynda áleýmettik jańǵyrýdyń jańa kezeńinde bilim berý sapasyn jaqsartýdyń tıimdi joldaryna toqtaldy. Qala men aýyl mektepteri arasyndaǵy orta bilimniń sapasy alshaqtap bara jatqandyǵyn jáne negizgi másele retinde – aýyldyq jerlerdegi bilikti pedagog kadrlardyń tapshylyǵyn atap kórsetti.

Osy oraıda Jambyl oblysynyń Bilim salasyndaǵy baqylaý departamenti de óziniń quzireti sheginde oblystaǵy aýyl mektepteriniń jaǵdaıyn únemi nazarda ustap otyr. Bul týraly atalmysh departamenttiń basshysy D.Ýskembaeva áńgimelep berdi.

-Rasymen de, qazirgi ýaqytta aýyl mektepteriniń jaǵdaıy, ondaǵy bilim berýdiń sapasy kóp jaǵdaıda syn kótermeıtindigi belgili.

Oblysta 442 jalpy orta bilim beretin mektep bolsa, onyń 358-i, ıaǵnı 80 paıyzdan astamy aýyldyq jerlerde ornalasqan. Aýyl mektepteriniń 18,5%-y (66) samannan soǵylsa, 32-niń ǵımaraty 60-shy jyldarǵa deıin soǵylǵan, 3-niń ǵımaraty apatty jaǵdaıda.

Departament bilim berý uıymdarynda Qazaqstan Respýblıkasy zańnamalarynyń jáne bilim salasyndaǵy normatıvtik quqyqtyq aktilerdiń, memlekettik jalpyǵa mindetti bilim berý standarttarynyń oryndalýyna memlekettik baqylaýdy júzege asyrady. Onyń negizgi fýnksııalaryna profılaktıkalyq baqylaý júrgizý, jospardan tys tekserýler júrgizý, bilim berý qyzmetimen aınalysýǵa lısenzııa berý, bilim týraly qujattarǵa apostıl qoıý syndy mindetter jatady,-deıdi departament basshysy.

Sonymen qatar departament bilim berý salasyndaǵy túıindi máselelerdi zerdeleý jáne taldaý, apatty jáne úsh aýysymdaǵy mektepterdiń jaǵdaıyna, oqýshy oryndarynyń jetispeýshiligine, bilim berý uıymdarynyń materıaldyq-tehnıkalyq bazasyna, bilim alýshylardyń oqýlyqtarmen qamtamasyz etilýine, qamqorshylyq keńesterdiń jumysyna, dinı bilim berý uıymdarynyń qyzmetine, Ulttyq bilim berý derekter qorynyń toltyrý sapasyna monıtorıng jasaıdy. Budan bólek jalpy orta bilim berý uıymdarynda jáne joǵary oqý oryndarynda oqý jetistikterin syrttaı baǵalaýdy uıymdastyrady jáne ótkizedi. Jáne de bilim berý uıymdaryndaǵy bilim sapasyn baqylaıdy.

Sonymen qatar, qazirgi ýaqytta Departamentke balalardyń quqyqtaryn qorǵaý boıynsha jańa fýnksııalar berilýde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir