• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:38:46
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jambylda ulttyq sport túrleri qanat jaıýda

Qazaqstan Respýblıkasy damýynyń Strategııalyq josparynda Elbasy 2020 jylǵa deıin respýblıkamyzda dene shynyqtyrýmen shuǵyldanatyn halyqtyń paıyzdyq kórsetkishin 30 paıyzǵa jetkizýdi tapsyrǵan bolatyn. Osy maqsatta Qordaı aýylynda 320 kórermenge arnalǵan dene shynyqtyrý-saýyqtyrý kesheniń qurylysy aıaqtalyp, Nur-Sultan qalasynyń 20 jyldyǵyna oraı saltanatty túrde ashylýy ótip, turǵylyqty el bir qýanyp qalǵan-dy. Sport kesheninde aýdandyq, oblystyq, halyqaralyq týrnırler ótkiziletin bolǵandyqtan, jobaǵa saı ol buqaralyq sporttyq is-sharalar ótkizý ortalyǵy bolyp quryldy. Aıtýly sport kesheni bir jaǵynan qanshama talantty jas sportshylardyń tomaǵasyn sypyrýǵa sebep bolatyn bolsa, ekinshi jaǵynan qanshama adamǵa jumys orny tabylyp kúrmeýi qıyn jumyssyzdyqtyń túıini sheshilýde. Búgingi tańda bul nysanda 24 shtattyq birlik jáne 19 aýyldyq okrýgterde sport ádiskerleri jumys isteıdi.

Qazynaly Qordaı aýdany ásirese, ulttyq sportqa basa nazar aýdarǵan. Kezinde bul óńirde Talısman, Qaratóbel, Daıar sekildi aýzymenen qus tistegen, jal quıryǵy tógilgen júzden júırik tulparlar talaı alaman jarystyń aldyn bermeı, Qordaı jerin Qazaqstanǵa tanytqany belgili. Qordaılyqtar at sportymen birge basqa da ulttyq oıyndardy jańǵyrtyp keledi. Aıtalyq, 2018 jyldyń naýryz aıynan bastap ulttyq sport túrleri boıynsha toǵyzqumalaq, asyq atý, aýdaryspaq, qazaq kúresi, qusbegilik, qyz qýý, teńge ilý, kókpar tartý oıyndaryn damytý maqsatynda №3 balalar – jasóspirimder sport mektebi óz aldyna shańyraq kóterse, búgingi tańda ulttyq sport túrlerinen aýdandyq deńgeıde 4 birdeı dúbirli jarys ótkizilip, oblys boıynsha eki birdeı alaman jarysqa qatysyp qanjyǵalary maılana túsken eken.

«Shynyqsań shymyr bolasyń» deıdi halyq danalyǵy. Rasynda da sportqa bet buryp, salamatty ómir saltyn serik etkenderdiń sergek júretindigi beseneden belgili. Al, bul turǵyda Elbasynyń buqaralyq sportty damytý týraly tapsyrmasy negizgi baǵdarsham. Osy oraıda Qordaı aýdanynda jańa nysandar salynyp, el ıgiligine usynylýda. Eń bastysy el-jurttyń da sportqa degen kózqarasy durys. Sonyń nátıjesinde óskeleń urpaq ta kemel keleshekke nyq qadam basýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir