• USD 389.52
  • EUR 429.21
  • RUB 6.07
  • CNY 54.94
20 Qańtar, 08:10:39
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jambylda 160 veterınarııalyq pýnkt bar

Veterınarııa salasynyń negizgi qyzmeti - asa qaýipti juqpaly aýrýlardyń aldyn alý, aýrýlardy dıagnostıkalaý, maldan alynatyn tamaq ónimderi men shıkizattardyń adam ómirine qaýipsizdigin qamtamasyz etý bolǵandyqtan, osy maqsatta josparlanǵan is-sharalar Jambyl oblysynda tolyǵymen atqarylýda.

О́ńirde veterınarııalyq is-sharalardy 160 veterınarııalyq pýnkteri bar 11 kommýnaldyq memlekettik kásiporyndar atqarsa, bul mekemelerde arnaıy orta jáne joǵarǵy bilimdi 887 veterınar mamandar jumys jasaýda.

2019 jyly epızootııalyq is-sharalardy júrgizýge respýblıkalyq bıýdjetten 1,5 mlrd. teńge bekitilip, tikeleı aýdandyq bıýdjettke berildi. Bul ótken jylǵy deńgeıden 13,3% - ǵa artyq.

-Oblysta janýarlardyń asa qaýipti aýrýlaryna qarsy vaksınasııa jáne allergııalyq zertteýlerdiń 13 aýrý túri boıynsha, dıagnostıkalyq zertteýlerdiń 23 aýrý túri boıynsha josparly epızootııaǵa qarsy is-sharalar júrgiziledi. Osy is-sharalardyń barlyǵy is-sharalar josparyna sáıkes júrgizilýde.

Qajetti barlyq veterınarııalyq preparattar alynyp, aýdandardaǵy ýaqytsha saqtaý oryndaryna jetkizildi. Aýdandardaǵy veterınarııalyq kásiporyndarda preparattardy ýaqytsha saqtaıtyn qoımalar bar. Olar veterınarııalyq talaptarǵa sáıkes keledi. Aýyldyq okrýgterde veterınarııalyq preparattar tońazytqyshtarda saqtalady. Aýdan ortalyǵynan aýyldyq okrýgterge vaksınalar termochemodandarmen tasymaldanady,-deıdi oblys ákimdigi veterınarııa basqarmasynyń basshysy Ospan Berdııarov.

Dıagnostıkalyq zertteýlerge júrgizilgen taldaý boıynsha maldar arasynda sozylmaly brýsellez aýrýyna shaldyǵý jyldan jylǵa tómendeýde. 2010-2019 jyldar aralyǵynda iri qara maldarda brýsellez aýrýy 86 paıyzǵa tómendegen. Al ýaq maldarda brýsellez aýrýy – 17 paıyzǵa azaıyp otyr.

Sondaı-aq, oblys boıynsha adamdardyń brýsellez aýrýyna shaldyǵýy 2010 jylmen salystyrǵanda 255 adamǵa kemidi

Brýsellezge shaldyqqan aýyl sharýashylyǵy janýarlary der kezinde oqshaýlanyp, veterınarııalyq talaptarǵa sáıkes ýaqytyly sanıtarlyq soıýǵa jiberilip, memlekettik veterınarııalyq dárigerdiń qadaǵalaýymen óńdeý oryndaryna jiberilýde. Bul baǵyttaǵy jumystar júıeli jalǵasa beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir