• USD 389.52
  • EUR 429.21
  • RUB 6.07
  • CNY 54.94
21 Qarasha, 00:24:45
Qazaqstan Ýkraınanyń saýda naryǵyna alańdaýly

17 Qazan, 2019 NEWS

Senator Dana Nurjigitke eskertý jasady

Senattyń búgingi otyrysynda depýtat Dana Nurjigit aýyl sharýashylyǵy salasyndaǵy kredıtter jaıynda aıta kele, halyqtyń ol aqshany "qudaıy berip, quda shaqyrýǵa" jumsaıtynyn aıtqan edi.

Senator Álı Bektaev Dana Nurjigitke eskertý jasap, aýyl halqyna basqasha qaraýǵa keńes berdi. Bul týraly Qamshy.kz aqparat agenttigi habarlaıdy.

"Negizi, men sóıleımin degen oıym da bolǵan joq edi. Biraq búgin qoıylǵan biraz suraq pen jaýap túrtki bolyp otyr. Birinshiden, aıtaıyn degenim, aýyldyń turǵyndaryna saýaty tómen, qarjyny qalaı bolsa, solaı jumsaıtyn halyqtyń bir bóligi dep qaraýdy qoıý kerek. Qudaıǵa shúkir, qazirgi ýaqytta aýyl turǵyndarynyń saýaty da jaqsy, alyp jatqan qarjysyn da óndiriske jumsap jatyr. Aýyldyń maly da, jany da ósip jatyr. Alyp jatqan qarjysy shetke ketip jatqan joq", – dedi Bektaev.

Osy oraıda senator óziniń áriptesi Dana Nurjigittiń pikirimen kelispeıtinin jetkizdi.

"Múmkin, jańaǵydaı qudalyqqa, bolmasa, qudaıyǵa jumsalyp jatqan jaǵdaılar bar shyǵar. Biraq ondaı jaǵdaılar qalada da bar. Qalanyń adamdary da nesıe alyp, basqa maqsatqa jumsap jatyr. Ondaı jaǵdaılar óte kóp. Ol máselelermen qarjy ınstıtýttary, bolmasa, qarjy organdary jumys jasaýy kerek. Onyń basyn ashyp, kerek adamdardy jaýapqa tartsyn. Al, endi, aýyldyń turǵyndary osyndaı dep, baǵa berýge bolmaıdy dep esepteımin",  – dedi Bektaev.

Depýtat aýyl turǵyndaryn qoldaýdyń eki joly bar ekenin aıtty. Birinshisi, ol – sýbsıdııa, ekinshisi – jeńildetilgen nesıeler.

"Jeńildetilgen nesıe berý salasynda da sheshilmegen problemalar kóp. Mysaly, aýyl turǵyndarynyń alyp jatqan nesıesine qoıylatyn paıyzdyq stavkalar óte joǵary dep esepteımiz. Aýyl turǵyndary osy qarjy ınstıtýttary bıýdjetten ol qarjyny 0,01 paıyzben alady da, nege bizge 7 paıyzben beredi dep suraıdy. Búginde bizde osy suraqtarǵa jaýap joq. Bul máseleni birneshe ret kóterdik. Biraq qarjy organdary túrli sebeptermen aldaýsyratyp keledi", – dep atap kórsetti Bektaev.

 

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir