Atyraý oblysynda polısııa qyzmetkeri adam qaǵyp, oqıǵa ornynan qashyp ketti. Bul týraly oblystyq polısııa departamentiniń baspasóz qyzmeti habarlady.
Polsııa departamentiniń málimdeýinshe, Isataı aýdandyq polısııa bóliminiń qyzmetkeri 25 jasataǵy er adamdy qaǵyp óltirgen.
"Isataı aýdany Zıneden aýyly mańyndaǵy avtojolda aýdandyq polısııa bóliminiń qyzmetkeri "Aýdı-A6" kóligimen jumystan tys ýaqytta jolaýshyny qaǵyp ketti. Sodan keıin ol oqıǵa ornynan qashyp ketken. Apat saldarynan 25 jastaǵy er adam oqıǵa ornynda qaza tapty", - delingen polısııa departmenti taratqan habarlamada.
Polısııa departamentiniń málimdeýinshe, osy oqıǵaǵa baılanysty Qylmystyq kodekstiń 345-babynyń 3-bóligi, ıaǵnı "Baıqaýsyzda adam ólimine ákep soqtyrǵan jol qozǵalysy erejesin buzǵany úshin jazalaý" baby boıynsha sotqa deıingi tergeý bastalǵan jáne Qylmystyq kodekstiń 347-baby, ıaǵnı "Jol apaty ornynan ketip qalý" deregi de tekserilip jatyr. Jol apatyna kináli polısııa qyzmetkerin qamaýǵa alý sharasyn tańdaý máselesi qarastyrylýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir