• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:49:39
Qazaqstan Ýkraınanyń saýda naryǵyna alańdaýly

17 Qazan, 2019

Bozymbaev: Endi Qazaqstannan eshqandaı el arzan benzın tasyp ákete almaıdy

Qazaqstannyń Energetıka mınıstri Qanat Bozymbaev aldaǵy ýaqytta elden arzan benzındi, dızeldi, munaı ónimderin kórshi elge alyp ótýge, quıyp áketýge tyıym salynatynyn aıtty. 

Bozymbaevtyń sózinshe, "Reseıden Qazaqstanǵa kelgen kólikter arzan baǵamen benzın men dızeldi qosymsha ydystarǵa quıyp alyp ketip jatyr". 

- Reseıden myńdaǵan kólik keledi. Bári benzın áketedi. Bakty toltyrsa meıli ǵoı. Jeńil kóliktiń ıeleri kanıstr ydystarǵa benzın toltyryp alady. Al júk kóliktiń ıeleri qosymsha bak qoıyp alyp, soǵan 3-4 tonna benzın toltyryp alady. Sonda myńdaǵan tonna benzın men dızel shetelge ketip jatyr. Iаǵnı, biz ózge eldiń ekonomıkasyn sýbsıdııalap otyrmyz, - dedi Bozymbaev

Mınıstrdiń sózinshe, aldaǵy ýaqytta bul ispen Ulttyq qaýipsizdik keńesi men Memlekettik kirister komıteti aınalysatyn bolady. Iаǵnı, reseılik kólikterdiń endi 20 lıtrli kanıstrden basqa ydystarmen benzın alyp ótýine tyıym salynatyn bolady.

- Endi Qazaqstannan qandaı da bir el arzan benzındi de, dızeldi de, munaı ónimderin de tasyp ákete almaıdy, - dep atap ótti Bozymbaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir