• USD 468.56

  • EUR 497.56

  • RUB 7.3

  • CNY 67.18

29 Naýryz, 17:51:59
Almaty
+35°

Semeı qalasy ákimdiginde ShQO ákiminiń orynbasary Ásem Bekqyzynyń, komıssııa tóraǵalarynyń, oblystyq basqarma basshylary, memlekettik mekeme ókilderiniń qatysýymen oblystyq otyrys ótti.

Otyrys barysynda asyrap alǵan otbasynda tárbıelenip jatqan balalardyń quqyqtaryn qorǵaý jónindegi sharalar, mektep ashanalaryn jańǵyrtý, "Jastar jylyna" arnalǵan is-sharalardyń iske asyrylý barysy týraly máseleler qaraldy.

О́skemende mektep ashanalaryn jańǵyrtý jobasy qarqyndy júzege asyrylýda. Konkýrsty jeńip alǵan kásipkerler óz esebinen mektep ashanalaryn jańǵyrtý jáne jóndeý jumystaryn júrgizgen. Al, bilim basqarmasy óz tarapynan olardyń qyzmetterin tutynýǵa kepildik beredi. On jylǵa deıin odan ári uzartý quqyǵymen jeti jyldyq jalǵa berý merzimin usynady.

MJÁ ınvestjobasy úshin konkýrstyq qujattamany ShQO MJÁ óńirlik ortalyǵy ázirledi. Ashanalardy jańǵyrtý úshin jóndeý jumystary men qajetti jabdyqtardyń tizbesin mektep dırektorlary usyndy, al mázirdi ázirleý úshin tehnolog-mamandar jumysqa  tartyldy. Az qamtylǵan otbasy balalaryna tegin ystyq tamaq berý quny búgingi kúni 309 teńgeni, qalǵan oqýshylar úshin – 350 teńgeni quraıdy.

pr

Búgingi tańda ShQO-da 655 mektep jumys isteıdi. Onyń ishinde 48-i О́skemen qalasynda. MJÁ jobasyna О́skemen qalasynyń 44 mektebi qatysqan. ShQO bilim basqarmasy salalyq jáne ekonomıkalyq saraptamadan ótken konkýrstyq qujattamanyń 44 paketin ázirledi. Konkýrs qorytyndysy boıynsha 35 mektep ashanasy boıynsha О́skemennen 14 jeke seriktes jáne Pavlodardan 1 seriktes anyqtalyp,  olarmen MJÁ sharttary jasaldy. 

Bilim basqarmasynyń mamandary О́skemen qalasynyń mektep ashanalarynda jańǵyrtý júrgizilgennen keıin jaǵdaı aıtarlyqtaı ózgergenin atap ótti: jańa jabdyqtar satyp alynyp, jóndeý júrgizilip, ashanalar estetıkalyq túrge keltirilip, tamaqtaný sapasy jaqsardy.

Jalpy, mektep ashanalaryn jańǵyrtý jónindegi ınvestjoba búginde óziniń  ózektiligin dáleldep tur.

Eger memleket tarapynan barlyq materıaldyq-tehnıkalyq bazany jańartý qajet bolsa, onda ınvestısııanyń jalpy kólemi 900 mıllıondy quraıtyn edi. Osy jobanyń arqasynda barlyq salymdar jekeshe seriktes esebinen júzege asyrylýda.

Kelesi jyly Semeıdiń 44 mektebinde mektep ashanalaryn jańǵyrtý jobasyn júzege asyrý josparlanyp otyr.

Kezdesý kezinde "Jastar jylynda" atqarylǵan sharalar da sóz boldy.

Memlekettik jastar saıasatynyń negizgi maqsaty- jastardyń tolyqqandy bilim alýyna múmkindik jasaý. Málimet boıynsha,  oblys boıynsha 264 990 jas bar. Jastardyń 182 myńǵa jýyǵy jumys jasaýǵa qaýqarly,  onyń 175 myńy jumys jasaıtyndar. 6,9myń jas jumyssyzdar dep kórsetilgen. Oblys boıynsha 20 Jastar resýrstyq ortalyǵy bar. Jastarǵa qoldaý kórsetetin ol 8 JOO men 82 kolledj.  Árqaısysynda arnaıy komıtetter jumys jasaıdy. Sondaı-aq "Serpin" baǵdarlamasynyń stýdentteri de belsendilik tanytady. JOO bitirgen stýdentter jumys tabý úshin basqarma arqyly aýdanda ár oqý oryndarynyń kúnderi ótkiziledi. Nátıjesinde ózderin kórsetip, túıindemelerin jiberýge múmkindik alady. Al,  tehnıkalyq bilim alatyn stýdentterdi jumyspen qamtamasyz etý úshin "Qaıratty jastar"  sharasy ótedi. Osylaısha,  stýdentter zaýyttardyń ishki tynys tirshiligimen tanysa alady. Jyl saıyn "Stýdenttik kóktem"  saıysy,  bos oryndar jármeńkesi,  túrli trenıngter men saıystar ótkiziledi. "Zhas project" jobasynyń 80 % jumys jasap tur. Oblys boıynsha  "Jasa"  jobasy boıynsha 57 joba úzdik dep tanylǵan. "Jas kásipker"  jobasy boıynsha 1300 jasqa múmkindik berilip, 2 kezeńnen ótken 330 jas 505 myń teńgeden grant ıegerleri atanyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir