• USD 389.52
  • EUR 429.21
  • RUB 6.07
  • CNY 54.94
21 Qarasha, 00:28:00
Qazaqstan Ýkraınanyń saýda naryǵyna alańdaýly

17 Qazan, 2019 Barlyq aımaqtar

"Úkimetke qandaı esep beresiń?"

Depýtattyń oıynsha, halyqtyń qarjylyq saýattylyǵyn kótermeı, aqshany bólýdiń qajeti joq.

Senator Dana Nurjigit halyqtyń qarjylyq saýattylyǵyn kótermeı, kredıt berýge bolmaıtyn aıtty, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

Senattyń búgingi otyrysynda depýtat aýyl sharýashylyǵy salasynda kredıt berý máselesine toqtaldy. Osy oraıda Nurjigit jaqynda "Damý" qorynda jumys isteıtin jýrnalıst áriptesimen kezdesip, sóıleskenin jetkizdi. Ol kisi "Damý" qoryna túsetin suraqtarmen aınalysady. Sóıtip, tikeleı halyqpen jumyc isteıdi. Osy mamannyń sózine qaraǵanda, halyqtyń qarjylyq saýattylyǵy óte tómen. Al suraqtardyń basym bóligi jeke bastyń sharýasynan aspaı jatady.

"Tek "Men nesıe ala alamyn ba?", "Men osyǵan deıingi nesıelerdi sizder arqyly jaba alamyn ba?" degen sııaqty suraqtardyń aıasynan shyqpaıdy eken. Sosyn "О́rleý", "Bastaý" sııaqty baǵdarlamalar boıynsha qarjy aldym, bıznes bastaıtyn boldym dep aqshany alady, al keıin úıine jóndeý jumystaryn júrgizip, ıa bolmasa, qudaıy berip, quda shaqyryp, sondaı óziniń jeke basynyń sharýalaryna aqshany jumsap jiberedi eken. "Al úkimetke qandaı esep beresiń? Qalaı esep beresiń? "dese, kórshiniń buzaýyn ákelip, kórsete salamyn dep, aqshany dalaǵa shashqan bolyp shyǵady. ", - deıdi Nurjigit.

Depýtattyń oıynsha, halyqtyń qarjylyq saýattylyǵyn kótermeı, aqshany bólýdiń qajeti joq.

"Qarjylyq saýattylyqty kótermeı, aýyl sharýashylyǵyndaǵy bıznes bastaý jobalaryn jiti baqylamaı, naqty suraqtardy qoıa biletin adamdar aldyna kelmeı, aqshany bólýdiń qajeti joq dep oılaımyn. Mine, osyǵan jiti nazar aýdarylsa eken deımin", - dep atap kórsetti Nurjigit.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir