Maýsym aıynda Qazaqstandaǵy prezıdent saılaýy qarsańynda belsendiligimen kózge túsip, keıin is-tússiz joǵalyp ketken akter Ánýar Nurpeıisov 14 qazan kúni You Tube-taǵy jeke arnasyna vıdeo júktegen bolatyn. 12 mınýttyq beınerolıkte akter Shrı-Lanka memleketinde týrızm salasynda eńbek etýdi bastaǵanyn jaıly málimdeme jasaǵan.
Alaıda prezıdenttik saılaýdan keıingi tórt aıda qaıda júrgenin jáne nemen aınalysqany týraly aıtpaǵan bolatyn.
Aktermen jaqyn aralasqan áriptesi, «Men oıandym» jobasyna birge qatysyp, qoldaý bildirgen aktrısa Aısulý Ázimbaeva: «Biz onymen Shrı-Lankaǵa keterden úsh kún buryn kezdestik. Bul shamamen eki apta buryn bolatyn. Negizi kóktemde ol elden ketkisi keletinin aıtqan. Árkimniń óz tańdaýy bar. Sondyqtan men ony qoldadym. О́kinishtisi, ol – elde ózgeris bolǵanyn qalaıtyndardyń ishinde oıyn ashyq aıtqan jastardyń bireýi edi. Biraq tıisti organdar ony durys túsingen joq. Ata-anasy Qazaqstanda, ózi úılenbegen. Men onymen óte jaqyn aralastym, biraq ol qandaıda bir saıası tapsyrmalar oryndady degen aıyptaýlarǵa senbeımin», – dep óz pikirin bildirdi. Bul týraly Azattyq Rýhy jýrnalıstine bergen suhbatynda málimdegen.
Aktrısanyń sózinshe, Ánýar Nurpeıisov Shrı-Lankaǵa eki apta buryn ǵana ketken. Al tórt aıda qaıda bolǵanyn jáne nemen aınalysqany jóninde óziniń de bilmeıtinin jetkizdi.
Oqı otyryńyz:
♦ Saılaý qarsańynda "joǵalyp ketken" akter Shrı-Lankadan sálem joldady (vıdeo)
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir