• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:18:11
Qazaqstan Ýkraınanyń saýda naryǵyna alańdaýly

17 Qazan, 2019 NEWS

Para retinde tezek alǵan atyraýlyq shendi ustaldy (vıdeo)

Iá, shalys estigen joqsyz Atyraý oblysy Aqsaı aýyldyq okrýginde burynǵy ákimi jer ýchaskesin alǵysy kelgen kásipkerden qujattarǵa qol qoıý úshin 350 qap tezek talap etken.

Atyraý oblysynda jer telimin alǵyń kelse sheneýnikke 350 qap tezek beresiń, Mańǵystaýda jumysqa turatyn bolsań basshysyna kondısıoner syıǵa tartýyń shart. Al, Semeıdegi bilim bólimi basshysynyń burynǵy orynbasary aýyzbastyryq retinde aqshadan bólek sıyr etin, kómir alyp kelgen. Sońǵy ýaqytta tergelip jatqan isterdiń biraz bóligi osy. Shendilerge aqshadan bólek materıaldyq para alýǵa ne túrtki boldy? Bul týraly Qamshy.kz aqparat agenttigi Eýrazııa birinshi arnasynyń deregin negizge alyp habarlaıdy.       

Osy kúnderi aqparat aıdynynda "jep qoıypty, qaltasyna basypty" degen saryndaǵy materıaldardan kóz súrinedi. Biri túıeni túgimen jutyp tutylyp jatsa, endi biri maldyń qıyn alyp isti bolýda. Iá, shalys estigen joqsyz Atyraý oblysy Aqsaı aýyldyq okrýginde burynǵy ákimi jer ýchaskesin alǵysy kelgen kásipkerden qujattarǵa qol qoıý úshin 350 qap tezek talap etken. Bul paranyń quny 206 myń teńgeni quraǵan. "Qaltasyn qampaıtqan" shendi kinási dáleldenip, oǵan 6 mln 200 myń teńge kóleminde aıyppul salynǵan. Sondaı-aq, jemqorlyqqa qarsy agenttik osyndaı "erekshe" birqatar isterge toqtalyp ótti.

– Mańǵystaý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasaryna qatysty para aldy degen kúdikpen sotqa deıingi tergeý amaldary bastaldy. 01:40 Osy atalǵan mekemeniń bólim basshysynan jalpy oǵan jumystaǵy kórsetken qamqorlyǵy úshin kondısıoner túrinde para aldy dep kúdikke ilindi. Atalǵan fakt boıynsha tergeý aldy jumystary jalǵasýda. Al, kúdiktiniń kinásiniń dárejesin anyqtaý boıynsha túpkilikti sheshimdi sot shyǵaratyn bolady, - deıdi QR Sybaılas jemqorlyqqa qarsy is-qımyl agenttiginiń seriktestik departamentiniń bas sarapshysy Symbat Israpýlova.         

Kelesi jáıt dál osy oblysta tirkelgen. Jumyspen qamtý jáne halyqty áleýmettik qorǵaý basqarmasynyń mamany, sheteldik kompanııalardyń jumysshylaryna kedergisiz vıza ázirlep berý úshin 500-den 1000 dollarǵa deıin júıeli túrde para alyp otyrǵan. Qazir, aq jaǵalynyń isi maı shammen qaralyp jatyr eken. Alaıda, dál osy oblys ákimdiginiń arnaıy jemqorlyqty túbimen joıamyz dep jasatqan áleýmettik beınerolıgine óńirdiń shendileri pysqyryp ta qaramaıtyn sekildi.

Odan bólek, barmaq basty, kóz qystylyqqa jol berip, máseleni qaltamen sheshetin shendilerdiń sońǵy kezderi ózge de materıaldyq múlikterge tábetteri ashylyp keledi. Máselen, "Astana sý arnasynyń" burynǵy basshysy Ýalıhan Dosaev úsh bólmeli páter alsa, Semeıdegi bilim salasyndaǵy qos birdeı qyzmetker biri sıyr etin talap etken, ekinshisi máselesin qanaǵattandyrý úshin kóligine qysqy dóńgelek alyp berýdi ótingen. Al, halyq qalaýlylary "jeńil aqsha" tabýǵa jastar áýes degen pikirde.           

– Para alyp jatqan adamdardyń deni jastar. Sondyqtan tárbıe jumysyna, qoǵamda osyndaı bir úrdis týdyrý kerekpiz. Jemqorlyq degen jat nárse dep. Ol otbasynan bastalady. Osy máseleni biz qoǵam bolyp qolǵa alýymyz kerek. Tek qana agenttikke, prokýratýraǵa qarap solar jumys isteý kerek dep otyra beretin bolsaq onda túkte bolmaıdy, - deıdi QR Parlamenti májilisiniń depýtaty Sapar Ahmetov. 

Saıasattanýshy Samat Nurtazanyń pikirinshe, Jemqorlyqqa qarsy agenttik bul "indetpen" kúresýdiń qandaı jolyn tappasyn, ony paraqorlar aınalyp ótýdiń ebin tabatynyna senimdi. "Búgin olar aqshany qoıyp, dúnıe múlik alýda, erteń taǵy da aýyzbastyryqtyń jańa túri paıda bolatynyna senimdi".

– Qytaıdyń, Saýd Arabııasynyń, Irannyń, Soltústik Koreıanyń tásilimen atý jazasyna kesý. Menińshe budan basqa bul indetti jeńý múmkin emes. Sebebi, tym asqynyp ketken nárse. + Biz Qazaqstan memleketi batys ta emespiz, biz qıyr shyǵys ta emespiz. Bizdiń óz jolymyz bar, eshkimge eliktemeý kerekpiz. Batystyń da, shyǵystyń da jaqsy jaǵyn alyp biz ortasha qazaqtyń modelin oılap tabý kerekpiz. Sondyqtan, qazaqtyń modelinde demokratııanyń jańaǵy dala demokratııasy da bolý kerek jáne «Qunanbaı» fılmi kórsetken ólim jazasy da bolýy kerek, - dep pikir bildirdi saıasattanýshy Samat Nurtaza.  

Elimizde jylyna orta eseppen 2 myńnan astam para alý faktisi tirkeledi eken. Dál osynsha adam jaýapqa tartylyp, qyzmetinen shettetiledi. Aýyzbastyryqtyń kólemi de ár túrli. Aqshadan bastap, dál osyndaı zattarǵa deıin. Bul qoǵamnyń dertin memleket basshysy da sheshýdi tapsyrǵan bolatyn.  

– Eger biz jemqorlyqty túbegeıli joıýdy kózdeıtin bolsaq, qolastyndaǵy qyzmetkeri para alyp ustalsa basshysy otstavka ketý týraly ótinim jazýy kerek. Olardyń otstavkaǵa ketýin qabyldaýdy nemese qabyldamaýdy Memleket basshysy sheshedi. Biraq jumystan bosatý týraly aryz jazýy mindetti shara bolýy kerek, - deıdi prezıdent Toqaev. 

Alaıda, para alyp, bylyqqa batqany úshin birde-bir laýazymdy tulǵa óz erkimen otstavkaǵa ketkenin estigen joqpyz. Soǵan qaraǵanda, aıran ishken qutylyp, túbin jalaǵandar tutylyp júrgen sekildi. Sarapshylardyń pikiri osyndaı.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir