17 Qazan, 2019 NEWS
Shý aýdanynyń turǵyny 56 keliden astam marıhýanamen ustaldy
Esirtki ótkizýshini jalpy salmaǵy 56 kg 800 g «keptirilgen marıhýana» esirtki zaty bar tórt qappen esirtki saqtaý ornyn qazý kezinde ustady.
Aǵymdaǵy jyldyń 11 qazanynda «Kóknar-2019» jedel-aldyn alý is-sharasyn ótkizý kezinde Shý aýdany Besqatyn ýchaskesiniń qumdy aımaǵynda Jambyl oblysynyń Polısııa departamenti Esirtki qylmysyna qarsy is-qımyl basqarmasynyń qyzmetkerleri Jańa-jol aýylynyń 40 jastaǵy turǵynyn ustady dep jazady Qamshy.kz aqparat agenttigi Jambyl oblysy polısııa departamenti baspasóz qyzmetiniń deregin negizge alyp.
Ustalǵan azamat kinásin moıyndap, Shý qalasynyń ýaqytsha ustaý ızolıatoryna qamaldy.
Qazirgi ýaqytta QR QK 296-baby 4-bóligi boıynsha sotqa deıingi tergeý júrgizilýde.
Kannabıstik toptaǵy esirtkini daıyndaýmen jáne shyǵarýmen aınalysatyn adamdardy anyqtaýǵa jáne ustaýǵa baǵyttalǵan «Kóknar-2019» jedel aldyn alý is-sharalary quramynda esirtki bar ósimdikterdiń jetilý kezeńinde joǵary belsendilikpen júrgiziledi.
Aldyn alý sharalary barysynda tártip saqshylary tek jeke daıyndaýshylardy ǵana emes, sonymen qatar qylmystyq toptardy anyqtaıdy.
Osy baǵyttaǵy aldyn alý jumystary jalǵasýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir