• USD 389.52
  • EUR 429.21
  • RUB 6.07
  • CNY 54.94
21 Qarasha, 00:15:24
Qazaqstan Ýkraınanyń saýda naryǵyna alańdaýly

17 Qazan, 2019 Áleýmet

"Malefısenta-2: Túnek Ámirshisi" kórermenge jol tartty

Almaty qalasyndaǵy "Esentai IMAX" kınoteatrynyń 6 zalynda qazaq tilinde dýblıajdalǵan "Malefısenta-2: Túnek Ámirshisi" fılminiń aldyn ala kórsetilimi boldy.

Memlekettik tilde prokatqa shyqqan 32-shi fılm sıqyrǵa toly hıkaıamen jalǵasyn tapty.

Kórsetilim "О́zińnen basta" jobasy aıasynda "Bolashaq" korporatıvtik qory jáne "Meloman" kompanııasynyń bastamasymen "Nur Otan" partııasynyń qoldaýymen júzege asyrylǵan.

Malefısenta

Týyndyny dýblıajdaýǵa Eýrazııalyq Top (ERG) demeýshilik etti.

Jobanyń kórkemdik naqyshyn keltirýge Bekbolat Qurmanqojaev, Qýanysh Bıseǵalı, Naýryz Sabaǵan, Altynaı Nógerbek, Gúlnár Qurmanbekova, Ábilmansur Serikov úles qosqan. 

Dybystaý – ekinshi oınap shyǵý óneri. Iаǵnı orıgınaldy túrde oınaýdan erekshelenedi. Degenmen ár akterdiń sezimin, basynan aıaǵyna deıingi oqıǵasyn alyp shyǵý – oınap shyǵýdyń erekshe bir túri sanalady.

Ekinshi maýsymdaǵy jańa keıipker – Ingrıd patshaıym. Alǵashynda jaǵymdy, súıkimdi patshaıym bolǵanymen, onyń barlyq aılasy, ishindegi josparlary fılmniń sońyna qaraı ashylady. Rasyna kelgende jaǵymsyz keıipker bolyp shyǵady. Al ony dybystaǵan A. Nógerbek. Aktrısanyń aıtýynsha, Ingrıd patshaıymynyń daýsyn dybystaýy ómirinde qyzyqty tájirıbe bolǵan.

jańa keıipker

Dýblıaj rejıseri Nazerke Lesbekqyzy fılmdegi basty taqyryp – ana men bala arasyndaǵy mahabbat erekshe sýrettelgenin atap ótti.  Atap aıtqanda keıipkerler Gúlnár Qurmanbekova (Avrora) men Gúlnaz Áýelbekova (Malefısenta) arasyndaǵy óte názik, júrekti terbeıtindeı etip, dybystalýynan ańǵarasyz deıdi. Fılmdi qazaqshalaýdaǵa atysqan óz isiniń mamandary "Qyzyqty dybystaý boldy. Ár akterdyń  ózgege uqsamaıtyn daýys boıaýlary kórermenniń júregin jaýlaıdy" degen senimmen sózderin túıindedi.

Týyndydaǵy basty keıipker Malefısentany dybystaǵan Gúlnaz Áýelbekova jobaǵa 2014 jyly kastıng arqyly ótip, birinshi bóliminen bastap osy ýaqytqa deıingi Anjelına Djolıdiń daýsyn turaqty salatyn ártis retinde bekitilgen.

Mahabbat

Kartınada Túnek perızaty men bolashaq patshaıymnyń arasyndaǵy kúrdeli ózara baılanys, sıqyrly ormandy qorǵaýdaǵy jańa odaqtastar men qarsylastar jáne onda ómir súretin sıqyrly tirshilik ıeleri týraly áńgimeleıdi. Jer ananyń barsha tirshilik ıesine tıesili ekendigi aıtylyp, ómirde jaqsylyq pen zulymdyqtyń qatar júretinin sýrettep, ár kez qaıdan shyqqan tegin umytpaý kerektigin eske salady. Álemdegi bar problemany shynaıy mahabbat pen tatýlyq, birlik-yntymaq arqyly sheshýge bolady dep qorytyndylaıdy.

Tusaýkeserge kelgen ánshi, aktrısa Aqerke Búrkitbaıdyń dýblıaj jóninde pikirin bilgen edik.

«Qazaqsha aýdarymda men qarap turǵan tórtinshi fılm. Maǵan óte qatty unady. Tipten, bizdiń tilimizden umytylyp bara jatqan keıbir qazaqsha ádemi sózderdi fılmderden qarap, jadyma túıip alyp júrmin. Tusaýkeserge kishkentaı balalardy kóbirek shaqyrady. Olda durys. Sebebi, kishkentaıynan til mádenıetine degen kózqarastaryn jaqsy qalyptastyrýǵa úlesin qosady» – dep óz oıyn aıtty.

Aıta ketsek, fılm eki tilde aýqymdy kınoprokatqa 17 qazannan bastap shyǵady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir