• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:40:43
Qazaqstan Ýkraınanyń saýda naryǵyna alańdaýly

11 Qazan, 2019 Aımaqtar

Kenen Ázirbaevtyń esimin el esinde máńgi saqtaǵan eskertkishter

Jambyl oblysyndaǵy «Rýhanı jańǵyrý» baǵdarlamasy aıasynda túzilgen Qazaqstannyń qasıetti jerleri kartasyna óńirlik mańyzǵa ıe nysan retinde alynǵan tarıhı-mádenı eskertkishtiń keıbiri ómirde bolǵan, sońynan óshpes iz qaldyrǵan tarıhı tulǵalarǵa arnap qoıylǵan. Sondaı tarıhı nysannyń birine qazaq án-kúı óneriniń kórnekti tulǵasy halyq aqyny, ánshi, kompozıtor Kenen Ázirbaevtyń beıitine mańyndaǵy birtutas sáýlettik keshen jatady, dep jazady Qamshy.kz aqparat agenttigi. 

Bul sáýlettik keshenniń quramyna saıabaq jáne murajaı ǵımaraty, aqynnyń eskertkish músini men beıitiniń basyna qoıylǵan qulyptas kiredi. Mýzeı kesheni 38 jyl buryn salynǵan. Onyń qorynda aqyn-sazgerdiń ómiri men óner jolynan habar beretin 900-den asa jádiger bar. Ásirese 7 jasar Kenenge ákesi syılaǵan kishkene dombyra mýzeı jádigerleri ishindegi eń qundysy sanalady. Kezinde bul dombyramen aqyn «Boztorǵaı» men «Kók Sholaq» ánderin oryndapty. Sol sekildi Kenen Ázirbaev ózine rýhanı ustaz tutqan Jambyl Jabaev syılaǵan kúmis jalatylǵan beldik te mýzeı qoryndaǵy eń qundy jádiger dep ataýǵa bolatyn.

Kenen Ázirbaev 1884 jyly Qordaı aýdany Mátibulaq óńirinde dúnıe esigin ashqan. Týma talant ıesi erekshilik ánshilik qabiletiniń arqasynda Qazaqstannyń eńbek sińirgen óner qaıratkeri, kompozıtor, halyq aqyny syndy abyroıly ataqtarǵa qol jetkizdi. Onyń óner jolyna alǵash qadam basqan sáti qazaq jerindegi qoǵamdyq-saıası ómirdiń jańasha betburystar kezeńimen tuspa tus keldi. Zamana aǵysymen osynaý dúbirli oqıǵalardyń bel ortasynda júrgen aqyn osy oqıǵalardy án-jyryna qosty. Ári ol shyǵarmashalyǵynda qoǵam ómirindegi tarıhı oqıǵalarǵa qatysty óz oıy men azamattyq ustanymyn da ashyq jetkize aldy.

Kenen óz shyǵarmashylyǵynda júzden asa án shyǵaryp, eki júzdeı lırıkalyq, taqyryptyq arnaýlar men tolǵaýlardyń avtory sanalady. Sondaı-aq onyń jyr-dastandarynda ómirde bolǵan tarıhı tulǵalardyń ómiri jaıynda naqty derekter usynylýymen de halyqtyń kóńiline jol taba alǵan. Zertteýshiler Kenen Ázirbaev shyǵarmashylyǵyndaǵy basty erekshelik retinde onyń ózine tán jeńil, oınaqy stıldi ataıdy.Aqyn shyǵarmashylyǵynan keıde Jetisýdyń dástúrli mektebiniń saryny baıqalsa, kóp jaǵdaıda ol óziniń stılimen jyrlaýdy jón sanaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir