Jyr alyby Jambyldyń kindik qany tamǵan jer

Jambyl oblysy respýblıka aýmaǵyndaǵy kisi atymen atalatyn jalǵyz oblys. 80 jyl buryn irgetasy qalanǵan oblystyń ataýy Jambyl Jabaevtyń qurmetine qoıylǵanyna kúmán joq. Oblys qurylǵanǵa deıin júz jyl jyrlaǵan aqynnyń aty qazirgi Taraz qalasyna berilgen. Tiri kúninde-aq aty tutas oblysqa berilýinen-aq halyqtyń aqynǵa degen qurmetin baıqaýǵa bolady. Sondyqtan bolsa kerek jergilikti jurt Jambyl Jabaevtyń kindik kesken jerin qasıet tutady. Bul oryn Qazaqstannyń kıeli jerleriniń kartasyna óńirlik mańyzǵa ıe nysan retinde engizilgen, dep jazady Qamshy.kz aqparat agenttigi. 

О́z zamanynda qazaq óleńin kókke kótergen Jambyl Jabaev Moıynqum aýmaǵyndaǵy Jambyl taýynyń eteginde dúnıe esigin ashqan. Jambyl taýynyń aty tarıhı derekterde keıde áıgili Qozybaspen qatar atalady. Aqyn óziniń «Meniń ómirim» óleńinde

Baıǵara, Jambyl, Handa men týyppyn,

Jambyl dep qoıylypty atym sodan», – dep jyrlaıdy.

Ol qarapaıym sharýanyń otbasynda týylǵan. Degenmen ákesi Japanyń el ishindegi irili-usaqty daý damaılarda bitim aıtatyn sheshendigi bolǵan. Anasy Uldan da ara-tura óleń qurastyrýy qabiletine ıe. Sondyqtan bolar bala Jambyl óleńniń kıesin erte sezingen. Bala kúninen jyr-dastanǵa qumartqan ári tosyndaý minezi bar Jambyldyń aıaq alysy sol dáýirdegi qazaq óleńiniń qasıeti qonǵan aqyn Súıinbaı Aronulynyń kóńilinen shyǵady. Oǵan rıza bolǵan Súıinbaı batasyn bergen. О́z kezeginde Jambyl da Súıinbaı Aronulyn ózine ustaz tutyp, aıtysqa túskende «Meniń pirim Súıinbaı» dep sóz bastaıyn bolǵan. HIH ǵasyrdyń ortasynda dúnıege kelgen qazaq dalasyndaǵy qoǵamdyq saıası ómirdiń barlyq ózgeristerin kózben kórip kóńiline túıdi. Sol sebepten de eski men jańanyń tartysy syndy máńgilik taqyrypty jyryna arqaý etti. Jambyl Jabaevtyń ózine tán stıl retinde onyń shyǵarmashylyǵynyń jyraýlar poezııasyna uqsas kelýine aıtýǵa bolady. О́zi de О́tegen, Suranshy, Saýryq syndy batyrlardyń kesek tulǵasyn qara sózben jasap, keler urpaqqa olar jaıyndaǵy mol maǵulmattardy jetkize bildi.

Aqyn aty Uly Otan soǵysy jyldary «Lenıngradtyq órenim» óleńimen shyqty. Nemis basqynshylarynyń qorshaýynda qalǵan qala turǵyndary men ondaǵy keńes áskerleri osy óleńmen rýhtanǵany da tarıhtan málim.

Jambyl Jabaev shyǵarmalary 40 tilge aýdarylǵan.