Aýyldyq kitaphananyń oljasy

Elbasy N. Nazarbaevtyń «Bolashaqqa baǵdar: rýhanı jańǵyrý» baǵdarlamasy maqalasy aıasynda kitaphanashylar arasynda tájirıbe almasý maqsatynda Sh.Ýálıhanov oblystyq ámbebeap-ǵylymı kitaphanasynda ótken «Aýyldyq kitaphana- jergilikti qoǵamdastyq ortalyǵy» aýyldyq kitaphanalar kúnderine Sarysý aýdandyq ortalyqtandyrylǵan kitaphanalar júıesine qarasty Igilik aýyldyq kitaphana «Aı astyndaǵy kentavr» taqyrybynda poezııa qonaqjaıy is-sharasyn ótkizgen bolatyn. Oblystyq kitaphananyń «Býkkrossıng» zalynyń tórinde Jambyl oblysynyń týmasy, tórt márte QR Prezıdentiniń stıpendıaty jáne QR Prezıdentiniń Grantyn ıelengen Qazaqstan Jazýshylar odaǵynyń múshesi. QR eńbek sińirgen qaıratkeri. Memlekettik “Daryn” jastar syılyǵynyń laýreaty Maraltaı Raıymbekuly jurtshylyqpen júzdesken-di. Tarpań aqyn Maraltaımen birge qalam tartyp aqyndyqtyń atynda úzeńgiles bolyp júrgen Berik Júsip, jazýshy Nesipbek Dáýtaıuly kelip Maraltaıdyń shyǵarmashylyǵyna toqtaldy. Poezııa qonaqjaıynyń qurmetti qonaqtarymen birge «Egemen Qazaqstan» gazetiniń Jambyl oblysy boıynsha menshikti tilshisi, Jambyl oblystyq Jazýshylar odaǵy fılıalynyń dırektory Hamıt Esaman, Qazaqstan jýrnalıster odaǵynyń múshesi, aıtysker aqyn Eset Dosaly, aqyn jýrnalıst Tursynbek Sultanbek qatysyp otyrdy. Kitaphana meńgerýshisi Aqmaral Bekbergenova «Jerlesimmen maqtanamyn» onlaın baılanys arqyly alǵashqy ustazy Saqtaǵan Imbetovanyń, qalam tartyp alǵash óleńin arnaǵan klastasy Gúlbaný Mahanbetovalardyń qyzyqty estelikterin tyńdap Maraltaı erekshe bir tolqyp aldy.

«Beıne poezııa» bóliminde slaıd arqyly aýyl aqsaqaly Zaýalmahan Abzalbekov, 4 jasar Nurgúl Ábdiqadyr, Jandaýlet Ashatuly aqyn óleńderin mánerlep oqydy.

«Kóńil kóktemi» atty jyr ellegııasynda jerlesteri «Jez qońyraý» óleńin Maǵjan Serdaly, «Asanáli Baǵdat» poemasyn

Aqbota Sársenbekova , «Igilik» óleńin Nurjigit Qyryqbaı óleńderin naqyshyna keltirip mánerlep jatqa oqyp berdi. Aqynmen qaýyshý sátinde Maraltaı jalpy kitaphana degen rýhanı kıeli ordaǵa, kitaphanashy degen mamandyq ıelerine degen alǵysym sheksiz dep alǵysyn bildirdi.

-Taıaýda «Aýyldyq kitaphana- jergilikti qoǵamdastyq ortalyǵy» atty oblystyq baıqaýy óz máresine jetti. Joǵaryda atap ótkenimizdeı, serpindi, kreatıvti, zamanaýı oı-pikir men joǵary kásibı sheberlik kórsetkeni úshin Igilik aýyldyq kitaphanasy bas júldeni ıelenip, kitaphanaǵa jańa úlgidegi monoblok syıǵa aldy, -deıdi Sarysý aýdandyq ortalyqtandyrylǵan kitaphanalar júıesi dırektorynyń orynbasary Aıtbala Jolmahanova.