Indıkatorlardyń ıgiligi mol

Búginde Jambyl aýdanyndaǵy Túrksib aýylyndaǵy balalar men jasóspirimder sport mektebinde 536 bala sporttyń 7 túrinen jattyǵady. Al mekemede 16 jattyqtyrýshy-oqytýshy boks, dzıý-do, grek rım kúresi, qazaq kúresi, kıkboksıng, erkin kúres, shahmat boıynsha jumys atqarady. Árıne, munyń barlyǵy da Elbasy N.Nazarbaevtyń sarabdal saıasatynyń nátıjesi. О́ıtkeni, Tuńǵysh Prezıdenttiń tapsyrmasyna sáıkes, buqaralyq sportpen shuǵyldanýlarǵa jaǵdaı jasalýda.

«Táni saýdyń-jany saý» deıdi dana halqymyz. Salamatty ómir saltyn ustaný baǵytynda aýdandaǵy mekeme qyzmetkerleri men aýyl jastary keshki mezgilde aptasyna eki ret aýyldyq okrýg aımaqtaryndaǵy orta mektepterdiń sport zaldarynda voleıbolmen, basketbolmen, aýdan aımaǵyndaǵy eki balalar men jasóspirimder sport mektepteriniń zaldarynda, jastar ortalyǵyndaǵy trenajer zaly men aýyldyq okrýgterdegi kishi fýtbol alańdarynda jattyǵyp otyrady. Keste boıynsha byltyr 17 aýyldyq aımaqtaǵy 88 sporttyq nysandar qyzmet kórsetti. Iаǵnı, aldyńǵy jylǵa qaraǵanda sporttyq nysandar sany ádeýir artqan.

Taǵy bir aıta keterligi, osy salaǵa bólinetin qarjy kólemi de jyldan jylǵa ulǵaıýda. Jambyl aýdany ákimdiginiń dene shynyqtyrý jáne sport bólimine jergilikti bıýdjetten 2018 jylǵa jalpy 12880,0 teńge bólinip ıgerildi. Onyń ishinde ulttyq jáne buqaralyq sport túrlerin damytýǵa-2980,0 myń teńge, aýdandyq (oblystyq mańyzy bar qalalyq) deńgeıdegi sporttyq jarystar ótkizýge-2500,0 myń teńge, ártúrli sport túrleri boıynsha aýdan (oblystyq mańyzy bar qalalyq) qurama komandalarynyń múshelerin daıyndaý jáne olardyń oblystyq sport jarystaryna qatysýy úshin 8900,0 myń teńge qarastyrylyp, maqsatty jumsaldy.

Bul turǵyda salamatty ómir saltyn nasıhattaý, buqaralyq sportty damytý barysynda 2018 jyly 258 is-sharalar ótkizilip, oǵan 27218 adam qamtyldy.

Aıta ketý kerek, aýdan sportyn órkendetý boıynsha tórt nysanaly ındıkator belgilengen.

Onyń biri «Júıeli túrde dene shynyqtyrýmen shuǵyldanatyn barlyq jastaǵy turǵyndardyń sanyn arttyrý», ekinshi nysanaly ındıkator «Aýyldy eldi mekenderde turǵyndardyń dene shynyqtyrý jáne sportpen aınalysýy úshin sport alańshalaryn (ámbebap alańsha, strıtvorkaýt, sporttyq kúsh qurylǵylarmen jabdyqtalǵan alańsha jáne t.b.) salý», úshinshi nysanaly ındıkator «Turǵyndardyń sport nysandaryna qoljetimdiligin arttyrý» jáne tórtinshi ındıkator «7-den 18 jasqa deıingi balalar men jasóspirimderdiń sport mektepterinde jáne dene daıyndyǵy sport klýbtarynda dene shynyqtyrý jáne sportpen shuǵyldanatyn balalar men jasóspirimderdi qamtý» kórsetkishteri belgilengen.Búginde bul ındıkatorlar boıynsha ıgilikti ister jalǵasyn tabýda.