• USD 468.56

  • EUR 497.56

  • RUB 7.3

  • CNY 67.18

29 Naýryz, 13:07:08
Almaty
+35°

Memleket basshysy Q.Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda sport salasyn damytýǵa basty nazar aýdarǵany belgili. Búginde osy maqsatta jańa nysandar qatary da kóbeıýde. Qazirgi tańda Jambyl aýdanynyń ortalyǵy - Asa aýylyndaǵy Abaı kóshesiniń boıynan ámbebap zaly bar sport-saýyqtyrý kesheniniń qurylysyna jumys jobasy boıynsha ústimizdegi jyly 166,7 mıllıon teńge qarajat bólinip, qurylys-montaj jumystary 7 tamyzda bastaldy.

Budan bólek aýdanda buqaralyq sportty damytý boıynsha kóptegen jumystar atqarylýda. Búgingi kúnge turǵyndardyń, onyń ishinde jastardyń buqaralyq sportpen shuǵyldanýy úshin sport nysandaryna qoljetimdiligin arttyrýda 150 sport nysany anyqtalǵan.

Sport nysandarynyń turǵyndar úshin arnaıy kesteleri jasalyp, buqaralyq aqparat quraldarynda jarııalanýda. Jalpy, qoljetimdi sport nysandarynyń sany 2018 jylmen salystyrǵanda 62 birlikke ósken. Aýdan turǵyndarynyń dene shynyqtyrý jáne sportpen turaqty túrde shuǵyldaný maqsatynda sport nysandarǵa qoljetimdiligin arttyrý úshin turaqty monıtorıng júrgizý jumystary jalǵasyn tabýda.

Búgingi tańda aýdan kóleminde 2 sport mekemesi jumys atqaryp keledi. Asa aýylyndaǵy balalar men jasóspirimder sport mektebinde 952 bala sporttyń 12 túrimen shuǵyldanady. Bul balalarmen 31 jattyqtyrýshy-oqytýshy jumys jasaıdy. Al Túrksib aýylyndaǵy balalar men jasóspirimder sport mektebinde 600 bala sporttyń 7 túrinen jattyǵady. Bul jetkinshekterge 16 jattyqtyrýshy-oqytýshy tálim berýde.

Jalpy aýdan boıynsha balalar-jasóspirimder sport mektepteri men aýla jáne sport klýbtarynda 7-den 18 jasqa deıingi sportpen shuǵyldaný kórsetkishi 11,9 paıyzdy nemese 1 myń 752 balany qurady. Endi bul kórsetkish jyl sońyna deıin 12,1 paıyzdy quraıtyn bolady.

Sonymen qatar aýdanda ulttyq sport túrleriniń damytý maqsatynda aýdan ákimi algorıtm boıynsha sport qyzmetkerlerin qabyldaý kezinde Asa aýylyndaǵy balalar jasóspirimder sport mektebine 3 shtattyq birlikter qarastyryp, kúres kilemderin alýǵa qarajat bóldi.

Jalpy, bıyl aýdanda salaýatty ómir saltyn nasıhattaý baǵytynda barlyǵy 202 sporttyq is-shara uıymdastyrylyp, atalǵan is-sharalarǵa 20 myńnan astam adam qatysty.

Sondaı-aq aýdan sportshylary ártúrli deıgeıdegi halyqaralyq, respýblıkalyq jáne oblystyq sporttyq básekelerde joǵarǵy sporttyq kórsetkishterge qol jetkizdi, 2019 jyldyń I - jartyjyldyǵynda Túrksib aýylyndaǵy balalar jasóspirimder sport mektebinde 3 sportshy «Qazaqstan Respýblıkasynyń sport sheberi», 9 sportshy «Qazaqstan Respýblıkasynyń sport sheberine kandıdat» ataǵyna ıe boldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir