• USD 468.56

  • EUR 497.56

  • RUB 7.3

  • CNY 67.18

28 Naýryz, 16:25:58
+35°

Búginde elimizde buqaralyq sportty damytýǵa basa nazar aýdarylýda. Memleket basshysy Qasym-Jomart Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Joldaýynda da bul salaǵa aıryqsha basymdyq berildi.

Qazirgi tańda Jambyl oblysynda da bul baǵytta nátıjeli jumystar atqarylýda. Sol qatarda Jambyl aýdanynda da tyndyrymdy tirlikter tiktelýde. Atalmysh aımaqta sport salasy jyldan jylǵa qarqyndy damý ústinde.

Jambyl aýdany ákimdiginiń dene shynyqtyrý jáne sport bólimine jergilikti bıýdjetten 2017 jylǵa jalpy 7710,0 myń teńge bólingen bolatyn. Onyń ishinde ulttyq jáne buqaralyq sport túrlerin damytýǵa 2210,0 myń teńge qaralsa, aýdandyq deńgeıdegi sporttyq jarystar ótkizýge 2500,0 myń teńge bólindi. Al ártúrli sport túrleri boıynsha aýdan qurama komandalarynyń múshelerin daıyndaý jáne olardyń oblystyq sport jarystaryna qatysýy úshin 3480,0 myń teńge bólinip, ıgerildi.

Salamatty ómir saltyn nasıhattaý, buqaralyq sportty damytý barysynda 2017 jyly 204 is-shara ótkizilip, 30114 adam qamtyldy.

Nátıjeli jumystar 2018 jyly da laıyqty jalǵasyn tapty. Jambyl aýdany ákimdiginiń dene shynyqtyrý jáne sport bóliminiń basshysy Q.Erjigitov usynǵan málimetke sáıkes, óńirde barlyǵy 153 sporttyq ǵımarat qyzmet kórsetti. Onyń ishinde: 1 ortalyq stadıon, 1 sport kesheni, 1 ıppodrom, 8 atqyshtar tıri, 79 sport alańshalary, 29 fýtbol alańdary, 33 sport zaldary jáne 1 dene tárbıesi jáne sportpen shuǵyldanatyn bólme eldiń ıgiligine jarady.

Byltyr sonymen qatar aýdan kóleminde dene shynyqtyrý jáne sportpen júıeli túrde 23825 adam shuǵyldandy. Bul kórsetkish aýdan turǵyndarynyń jalpy sanyna eseptegende, 28,8%-dy qurady.

Balalar men jasóspirimderdiń jalpy sanynan balalar men jasóspirimder sport mektepterinde jáne aýla klýbtaryndaǵy dene shynyqtyrýmen jáne sportpen aınalysatyn 7 men 18 jas aralyǵyndaǵy balalar men jasóspirimderdiń qamtylǵany 11,5 paıyzdy qurady.

О́tken jyly aýdanǵa qarasty Asa aýylyndaǵy balalar men jasóspirimder sport mektebinde 952 bala sporttyń 12 túrimen shuǵyldandy. Bul balalarmen 31 jattyqtyrýshy-oqytýshy sporttyń qazaq kúresi, dzıý-do, sambo, erkin kúres, boks, jartasqa órmeleý, basketbol, jeńil atletıka, grek-rım kúresi, qusbegilik, voleıbol jáne fýtbolmen jumys jasaǵanyn aıta ketken jón.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir