14 Qazan, 2019 Aımaqtar

О́ńir órenderi jarady

О́zbekstan memleketiniń astanasy Tashkent qalasynda sambo kúresinen jastar men jasóspirimder arasynda túndigin túrgen álem chempıonatynan jerlesterimiz oljaly oraldy. Baıraqty básekede úsh birdeı órenimiz júldegerler qatarynan kórinip, mereıimizdi ústem etti, dep jazady Qamshy.kz aqparat agenttigi. Atap aıtsaq, Arqat Anýarbek altynnan alqa taqsa, qos qaısar qyzymyz Raýza Nurmahammetova men Elızat Aıazbek qola medalmen qýantty. Jeńimpazdarymyzdy keshe oblys ákimdigi dene shynyqtyrý jáne sport basqarmasynyń basshysy Nurbol Júnisbekov, M.H.Dýlatı atyndaǵy Taraz memlekettik ýnıversıtetiniń rektory Mahmetǵalı Sarybekov bastaǵan jambyldyq jankúıerler ystyq yqylaspen qarsy alyp, qurmet kórsetti.

«Jastar» aleıasynda ótken sharada basqarma basshysy Nurbol Ábdimajıtuly jampozdarymyzdy jeńisterimen quttyqtap, aldaǵy ýaqytta da tolaıym tabystarǵa kenele berýlerine tilektestik bildirdi. Sondaı-aq TarMÝ rektory Mahmetǵalı Sarybekov te sportshylarǵa degen izgi teligin jetkizip, osyndaı tolaǵaılar TarMÝ qabyrǵasynan túlep ushyp jatqany búkil bilim ordasyna abyroı ekenin aıtty.

О́z kezeginde óńir maqtanyshtary jankúıerlerdiń qoldaýlaryna degen alǵystary sheksiz ekenderin jáne aldaǵy dodalarda da dara shabýyǵa kúsh salatyndaryna ýáde etti.

Aıta keteıik, bul álem chempıonatynda ózge óńirdiń atynan óner kórsetip júrse de, Jambyl aýdany, Qarakemer aýylynyń týmasy, jerlesimiz Janserik Jumabaı da qola medal ıelenip, mereıimizdi tasytty.

Esterińizde bolsa, bir aı buyryn qarshadaı qyzymyz Elızat Aıazbek Úndistan memleketinde atoı salyp, Azııa chempıony atanǵan bolatyn.

2001 jyly Jambyl oblysy Talas aýdany Aqqum aýylynda dúnıege kelgen qarakózimizdi jankúıerler «Aqqumnyń altyn qyzy» dep atap ketken-di. Qazirgi tańda Taraz memlekettik pedagogıkalyq ýnıversıtetinde bilim alyp jatqan Elızat Taraz qalasyndaǵy №7 balalar-jasóspirimder sport mektebinde shynyǵýda. «Altyn qyzymyzdyń» alar asýy áli alda dep senemiz. Jaraısyńdar jambyldyq jampozdar. Jeńisti joryqtaryń jalǵasa bergeı. Júldelerińizben shyn júrekten quttyqtaımyz! Bıikteı berińizder, óńir men memleket namysyn asqaqtatýlaryńyzǵa tilektespiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir