• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:25:15
Qazaqstan Ýkraınanyń saýda naryǵyna alańdaýly

14 Qazan, 2019 Aımaqtar

Qoldaý bolsa, qorǵaýda kúsheıedi

«Jumyla kótergen júk jeńil» deıdi qazaq danalyǵy. Rasynda bir jaǵadan bas, bir jeńnen qol shyǵaryp jasaǵan tirliktiń berekesi bolatyndyǵy belgili. Muny Memleket basshysy Qasym-Jomart Toqaev ta halyqqa arnaǵan Joldaýynda aıtyp, ásirese turǵyndardyń qaýipsizdigimen tikeleı aınalysyp otyrǵan salalarǵa qoldaý bildirýdi tapsyrdy, dep jazady Qamshy.kz aqparat agenttigi. 

Esterińizde bolsa, 2000 jyldary órt sóndirýshiler keńestik kezeńnen qalǵan protıvogazdardy bastaryna kıip, áınekterinen aınalańdy kórý qıyn bolsa da, jalynmen arpalysty. Al qazir Qudaıǵa shúkir órt sóndirýshiler zamanaýı qurylǵylarmen jabdyqtalǵan. Jambyl oblysyndaǵy avtokólik parki júz paıyzǵa bolmasa da, jylda tolyqtyrylýda. Odan bólek, jergilikti bılik te salaǵa qoldaý bildirip, bıyl 5 órt sóndiretin kólik alyp berdi. Sonymen qatar jergilikti qazynadan qaralǵan qarjyǵa jol talǵamaıtyn bir kólik satyp alyndy. Bul kóliktiń bıyl Jýaly aýdanynyń Qoshqarata syndy qysta qar qursaýynda qalatyn aýyl turǵyndarymen baılanys ornatýǵa kóp septigi tıgeli tur. Taǵy bir aıta keterligi, jergilikti bıýdjetten 31 mıllıon teńge bólinýiniń arqasynda turǵyndardy qulaqtandyrý júıesin de iske qosylǵan. Bul qurylǵynyń kómegimen tótenshe jaǵdaı kezinde kez kelgen teledıdar men radıodaǵy baǵdarlamany úzip, habarlama taratý múmkindigine sala mamandary ıe bolyp otyr.

Qazirgi tańda barlyq aýdandarda órt sóndirý bólimderi qyzmet etip jatsa, jýyrda Shý aýdanynyń ákimdigi Shoqpar aýylynan órt sóndirý beketin ashyp, órt sóndirýshilerdiń jumysyn jeńildete tústi. Odan bólek, jaqyn kúnderi osyndaı beketter Andasbatyr men Túımekent aýyldarynan da ashylady dep kútilýde. Mine táýelsizdik tańynyń osyndaı jaqsylyqtaryn kórip, tótenshe jaǵdaılar qyzmetiniń erteńine erekshe úmitpen qaraýǵa bolady.

Iá, qoldaý bolsa, adamdardy qorǵaý da jolǵa qoıylatyny anyq. Ony sala mamandary da sezinip, búginde jumysty barynsha júıeleýde. Bir baǵytta jańa avtokólikter jelmen jarysyp órt sóndirse, ekinshi qyrda aýyldardan ashylǵan órt sóndirý bólimderi jumys qarqynyna qarqyn qosýda. Al úshinshi baǵytta mamandar turǵyndardy tótenshe qaýipi týraly qulaqtandyryp, óz mindettirin minsiz atqarýda. Mine saýsaq birikse, ıne iligedi degen osy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir