• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:38:49
Qazaqstan Ýkraınanyń saýda naryǵyna alańdaýly

14 Qazan, 2019 Aımaqtar

Qaıratker rýhyna taǵzym

Taraz ınnovasııalyq-gýmanıtarlyq ýnıversıteti, Sherhantaný ǵylymı-zertteý ortalyǵy jáne «Fılologııa» kafedrasynyń uıymdastyrýymen halyqtyń birtýar azamaty, kesek tulǵa, kenen darynnyń qaıtys bolǵan kúnine baılanysty «Juldyzy nurly sýretker» atty eske alý keshi ótkizildi.

Eske alý keshindegi alǵashqy tebireniske toly sózdi ýnıversıtet rektory, fılologııa ǵylymdarynyń doktory, QR UǴA Qurmetti múshesi Erbolat Baıuzaquly Saýryqov aldy. О́z sózinde belgili jazýshy, kórnekti qoǵam qaıratkeri, talantty dramatýrg, daryndy jýrnalıst, ult janashyry Sherhan Murtazanyń ómirden ótkenine bir jyl tolǵandyǵyn, qazaq rýhanııatynyń aýyr qazasyna balanǵan bul kúnniń bolashaq urpaq tárbıeshileri úshin asa mańyzdy ekendigin atap aıtyp, qazaqtyń Sheraǵasyna balanǵan zaý tulǵa shyǵarmashylyǵymen maqtaný qajettigin, úlgi-ónege alar ómirlik mektep ekendigine toqtaldy.

Kelesi kezekte stýdentterdiń Sh.Murtazanyń ǵumyrnamasy boıynsha ázirlengen beınerolıgi kórsetildi. Eske alý keshin jas aqyndardyń juldyzy nurly sýretker men «Namys naızaǵaıyna» balaıtyn tulǵaǵa degen arnaý óleńderi jalǵastyrdy. «Meniń Sheraǵam» dep árqaısysy zaý tulǵanyń azamattyq tulǵasyn, ulttyq rýhymyzdy, táýelsizdigimizdi tuǵyr etýdegi dara bolmysyn jyrǵa qosty.

Eske alý keshinde Sh.Murtazanyń amanatyn tý etken patrıottyq ánder shyrqalyp, bı bılendi. Sondaı-aq, keshti uıymdastyrýshylar Taraz ınnovasııalyq-gýmanıtarlyq ýnıversıteti rektory Saýryqov Erbolat Baıuzaqulynyń bastamasymen taǵaıyndalǵan «Sh.Murtaza» atyndaǵy stıpendııa ıegerleri jas aqyn, respýblıkalyq jyr-músháıralardyń jeńimpazy Spanáli Serik pen sherhantanýshy, jazýshy shyǵarmashylyǵy boıynsha respýblıkalyq ǵylymı joba baıqaýynda «úzdik joba» boıynsha jeńimpaz atanǵan Altynbekqyzy Altynaı sóz alyp, búgingi kún árbir zııaly qaýym ókili úshin bir tebirenetin kún ekendigin, jazýshynyń ózderine amanattaǵan ulttyq rýhymyzdy bıik ustaý úlken azamattyq mindet ekendigin atap aıtty.

Osylaısha dalamen úndesip, babamen tildesip, jańamen úılesip, sanamen kún keship óz bıigine jetken, halqyna arqa súıep, qaısar bolǵan qazaqtyń Sheraǵasyn eske alý keshi stýdentter men oqýshylarǵa, professor-oqytýshylar quramyna, kesh qonaqtaryna úlken rýhanı azyq boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir