• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:10:50
Qazaqstan Ýkraınanyń saýda naryǵyna alańdaýly

15 Qazan, 2019 Aımaqtar

Týrızmniń tasy órge domalaıdy

Jambyl oblysynda jastar týrızmin damytý boıynsha jemisti jobalar jandana bastady. Oǵan erikti jastar da óz úlesterin qosýda. Buǵan mysaldy alystan izdeýdiń qajeti shamaly. Mysaly, Jastar jyly aıasynda ústimizdegi jylǵy 23-25 aqpanda «Taraz jerine taǵzym» jas týrıster festıvali ótkizilip, oǵan 30 volonter qyzmet kórsetti. Festıval aıasynda «Týǵan jerge taǵzym» tarıhı-ólketaný konferensııasy, Taraz qalasynyń týrıstik nysandary boıynsha Jambyl, Almaty, Túrkistan oblystary men Almaty, Shymkent qalalarynyń oqýshylaryna arnalǵan ekskýrsııalyq týr, Jambyl, Almaty, Túrkistan oblystary men Almaty, Shymkent qalalarynyń IýNESKO klýbtary ókilderiniń qatysýymen balalarǵa arnalǵan «Jas sýretshi» jáne «Jas qolónershi» konkýrstary, múgedek balalarǵa kómek kórsetý úshin aksııa uıymdastyryldy.

Al bıylǵy 30-31 naýryzda «Taraz – ótken men bolashaqtyń túıisken qalasy» atty jastar týrıstik forýmy ótkizilip, oǵan 30 volonter qyzmet kórsetti. Forým aıasynda «Aqyrtas» saraı kesheninde tarıhı-ólketaný konferensııasy, «Úzdik án», «Úzdik óleń», «Úzdik qoıylym» konkýrstary, «QUEST» ıntellektýaldyq-shytyrman oıyny, jastarǵa arnalǵan flesh-mob, alpınızm boıynsha master-klasstar jáne Taraz qalasy men jaqyn ornalasqan aýdandardyń tarıhı-mádenı nysandary men kórikti jerlerine ekskýrsııalyq týrlar uıymdastyryldy.

Budan bólek bıylǵy 13 maýsymnan bastap turaqty túrde «Jastar jyly» aıasynda týrızm basqarmasynyń bastamasymen oblys aýmaǵyndaǵy tarıhı-mádenı nysandar arqyly ótetin tegin 2 týrıstik avtobýs jumysyn bastady. Aımaqtyń negizgi týrıstik nysandaryn qamtıtyn marshrýt boıynsha iske qosylǵan, kásibı ekskýrsovodtary bar brendti týrıstik avtobýstyń iske qosylýy ishki týrızmdi damytýǵa jáne týrıstik obektilerdi oblys turǵyndary men týrıster arasynda tanymal etýge múmkindik beredi.

Sonymen qatar 28-29 tamyzda «Taraz gid» jastar týrıstik sleti ótti. Sletke joǵary jáne orta arnaýly oqý oryndarynyń stýdentteri, elimizdiń ár aımaǵynan kelgen ekskýrsovodtar, shetel saıahatshylary men blogerler qatysqanyn aıta ketken jón.

Osylaısha Jambyl jerinde jastar týrızmin damytý baǵytynda baıandy bastalar kóterilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir