Qusbegilerdiń qadamy qýantady

«Rýhanı jańǵyrý» baǵdarlamasy aıasynda óskeleń urpaqty ulttyq qundylyqtarǵa baýlýdyń, ásirese, atadan balaǵa mıras bolyp kele jatqan tól ónerimizdi dáripteýdiń mańyzy zor. Búgingi tańda oblys boıynsha 128 sportshy júıeli túrde qusbegi sport túrimen aınalysýda. Sonymen qatar, oblys boıynsha Jambyl aýdany, Asa aýylyndaǵy balalar-jasóspirimder sport mektebi, Merki aýdanyndaǵy №18 balalar-jasóspirimder sport mektebi jáne Ulttyq sport túrlerinen «Áýlıe-Ata» kásipqoı klýbynda qusbegi sport túri boıynsha bólimsheleri jumys atqarýda. Atalǵan sport mekemelerinde 4 jattyqtyrýshy, 36 sportshymen jumys jasaýda.

Oblysta búrkitshi ortalyǵyn jyl sońyna deıin Ulttyq sport túrlerinen «Áýlıe-Ata» kásipqoı klýbynyń janynan ashý úshin klýbtyń fýnksııasy men ókilettilikterin oblystaǵy qusbegi sport túrimen aınalysatyn sport mekemelerine úılestirý boıynsha Jarǵysyna ózgerister engizý jumystary júrgizilýde.

Sonymen qatar oblysta áskerı-patrıottyq jumystardyń da jandana túskendigi qýantady. Búginde oblystaǵy 358 orta mektepte jáne 44 kolledjde 402 «Jas sarbaz» áskerı-patrıottyq klýbtary qurylǵan. Onda 9898 bala áskerı-patrıottyq tárbıemen qamtyldy.

Áskerı-patrıottyq klýbtarda «Jas mergen», «Jas desantshy» sııaqty úıirmeler men toptar, «Áskerı bilim tarıhy», «Áskerı is», «Jas ulandardy daıyndaý», mergender úıirmesi, armrestlıng, karate, kúres seksııalary jáne taǵy da basqa áskerı-qoldanbaly sporttyq seksııalar jumys jasaıdy.

Ústimizdegi jyldyń 19-22 maýsymy aralyǵynda Qaraǵandy oblysynda ótken respýblıkalyq «Aıbyn» áskerı-patrıottyq baıqaýyna Jambyl polıtehnıkalyq joǵary kolledjiniń, Qordaı aýdany №41 orta mektebiniń «Jas sarbaz» klýbtary qatysyp, júldeli oryndardy ıelendi.

Jastar arasynda áskerı-patrıottyq jumystardy jetildirý, salaýatty ómir saltyn nasıhattaý, jastardy áskerı-qoldanbaly jáne tehnıkalyq daıyndyqqa daǵdylaý maqsatynda bıylǵy 12 sáýirinde Taraz qalasyndaǵy №85395 áskerı bóliminde «Aıbyn» respýblıkalyq áskerı-patrıottyq jastar jıynyna qatysý úshin Jambyl oblysynyń áskerı-patrıottyq klýbtar arasyndaǵy irikteý týrnıri ótkizildi. Oǵan 16-29 jas aralyǵyndaǵy Taraz qalasy men aýdandardan, oblystaǵy arnaýly orta oqý oryndarynan jáne mektepterden 14 komanda qatysyp, áskerı-sporttyq oıyndardyń 8 túri boıynsha saıysqa tústi. Jalpy komandalyq esepte I oryndy ıelengen Jambyl polıtehnıkalyq joǵary kolledji respýblıkalyq oıyndarǵa qatysyp, oıynnyń jekelegen túrleri boıynsha jeńimpaz atandy.

Al 4 mamyrda «Jastar» alleıasynda oblys ákimdigi jastar saıasaty máseleleri basqarmasy men oblystyq Qorǵanys isteri jónindegi departamentiniń uıymdastyrýymen «Men Otandy qorǵaýǵa daıynmyn!» atty oblystyq patrıottyq aksııasy ótkizildi. Bul baǵyttaǵy baıandy jumystar aldaǵy ýaqytta da jalǵasa beretin bolady.