• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:57:09
Qazaqstan Ýkraınanyń saýda naryǵyna alańdaýly

14 Qazan, 2019 Aımaqtar

Jambyldyq jastar kásipkerlikke bet burýda

Búginde Jambyl oblysynda jastardy áleýmettendirýge basymdyq berilýde. Bul, árıne, memlekettik jastar saıasatyn iske asyrýmen úılesim tapqan mindetter. Osy oraıda tıisti ýákiletti organdarmen jáne Taraz qalasy men aýdan ákimderi arasynda naqty mejeler aıqyndalǵan 11 ındıkatorlyq kórsetkishter belgilenip otyr. Onyń 7-i jastardy jumyspen qamtýdyń belsendi sharalaryna tartýǵa baǵyttalǵan.

Esepti jyly 11 myń jas jumyspen qamtýdyń belsendi sharalaryna tartylmaq. Jambyl oblysy ákimdigi jastar saıasaty máseleleri basqarmasynyń málimetine súıensek, ústimizdegi jyldyń 1 qazanyna 12780 jas jumyspen qamtýdyń belsendi sharalaryna tartylǵan. Olardyń 5940-y vakanttyq bos jumys oryndaryna ornalassa, 1337-i qysqa merzimdi kásibı oqytýǵa, 770 jas kásibı oqytýǵa, 2297 túlek jastar tájirıbesine, 302-i áleýmettik jumys oryndaryna, 1064-i aqyly qoǵamdyq jumystarǵa joldandy. Al 483 jas «Bıznes-Bastaý» jobasymen kásipkerlik negizderine oqytylyp, 227 jas 976,1 mıllıon teńge kóleminde shaǵyn nesıe aldy. Bul turǵyda Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan «Eńbek» memlekettik baǵdarlamasynyń II baǵyty sheńberinde qala jáne aýyl jastaryna mıkrokredıt berý isiniń óz septigin tıgizgenin aıta ketý kerek.

Sol sııaqty atalmysh memlekettik baǵdarlamanyń II baǵyty sheńberinde jastardyń jańa bıznes-ıdeıalaryn damytýǵa 200 aılyq eseptik kórsetkish mólsherinde 1129 jasqa qaıtarymsyz grant retinde 570,1 mıllıon teńge bólindi. Odan bólek 360 jas 181,8 mıllıon teńge qaıtarymsyz granta ıe boldy.

Bıylǵy jyldyń taǵy bir tamasha tartýy «Bıznestiń jol kartasy-2020» memlekettik baǵdarlamasy sheńberinde jańa bıznes-ıdeıalardy iske asyrýǵa arnalǵan memlekettik granttardyń kóptep berilgendigi. Osy oraıda konkýrstyq komıssııanyń sheshimi boıynsha 153 jas kásipker jalpy somasy 314 mıllıon teńgeniń grant ıegerleri atanyp, qomaqty qarajatqa qol jetkizdi. Onyń 47-si Taraz qalasynan bolsa, Baızaq aýdanynan 8, Jambyl aýdanynan 12, Jýaly aýdanynan 15, Qordaı aýdanynan 6, Merki óńirinen 10, Moıynqum aýdanynan 3, Sarysý aýdanynan 19, T.Rysqulov aýdanynan 10, Talas aýdanynan 16, Shý aýdanynan 7 jas osyndaı múmkindikke qol jetkizdi. Bul árıne óz isin jańa bastap jatqan jas kásipkerlerge úlken qoldaý ekendigi daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir