• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:59:34
Qazaqstan Ýkraınanyń saýda naryǵyna alańdaýly

13 Qazan, 2019 Aımaqtar

Jambyldyq jastar jumyspen qamtylýda

Jastar tárbıesi, olardyń arasyndaǵy quqyqbuzýshylyqty boldyrmaý máselesi kún tártibinen túsken emes. Bul turǵyda Jambyl oblysynda da maqsatty jumystar atqarylýda. Ásirese, oblys ákimdigi jastar saıasaty máseleleri basqarmasyna júktelgen jaýapkershilik joǵary. Búginde atalmysh mekemeniń mamandary Taraz qalasy men aýdan ákimdikterimen birlesip, ortaq múddege baǵyttalǵan ońdy isterge uıytqy bolýda.

Ústimizdegi jyldyń 1 qazanynda berilgen málimetke súıensek, probasııa qyzmetiniń esebinde turǵan 79 jas ótinishpen qaırylyp, tirkeýge alynǵan. Olardyń basym kópshiigi Taraz qalasynan. Iаǵnı, 40 adam. Sonymen qatar Baızaq, Jambyl, Jýaly, Qordaı, Moıynqum, Sarysý, T.Rysqulov, Talas, Shý aýdandarynan da esepken alynǵandar bar. Búginde olardyń Onyń 23-i turaqty jumyspen qamtylsa, 16-sy aqyly qoǵamdyq jumystarǵa, 3 jas jastar tájirıbesine joldanǵan. Osy sanattaǵy azamattardan 8 adam kásiptik oqytýǵa jiberilipti.

Sonymen qatar jyl basynan beri destrýktıvti dinı aǵymdarǵa tartylǵan azamattarmen ońaltý jumystarynyń nátıjesinde jalpy 118 adam qoǵamǵa beıimdelgen. Onyń 11-iniń jastar ekenin aıta ketken jón.

Atalǵan azamattar arasynda ońaltý jumystary barysynda destrýktıvti dinı aǵymdardyń jeteginde bolǵan 1 azamatsha «Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy» aıasynda «Esepshi» mamandyǵy boıynsha 3 aılyq kýrstan ótti. Atalǵan azamatsha qazirgi tańda tigin sheberhanasynda tiginshi bolyp jumys atqarady. Qalǵan 10 azamat- ózin-ózi jumyspen qamtyǵandar.

Jastardy tárbıeleýdiń tıimdi tetiginiń biri-olardy eńbekke jumyldyrý. Bul baǵytta da júıeli jumystar barshylyq. 2019 jyly 1 myńnan astam jasty «Jasyl el» eńbek jasaǵy sapynda maýsymdyq eńbekpen qamtýǵa 73,0 mıllıon teńge qarjy bólinip, ıgerildi. Bıylǵy mamyr-shilde aılarynda Taraz qalasynda 150 NEET jas jáne 250 stýdent pen jumyssyz jastar kanal tazartý jumystarymen aınalysty.

Jalpy, bıylǵy jazǵy eńbek maýsymynda stýdenttik qurylys jasaqtary qataryna 252 stýdent jumys jasaýǵa nıet bildirgen.

Mine, osylaısha memlekettik jastar saıasatynyń negizgi baǵyttary boıynsha Jambyl oblysynda da tyndyrymdy tirlikter laıyqty jalǵasyn tabýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir